Congress on Sharad Pawar : शरद पवारांबाबत काँग्रेस नेत्याचा गौप्यस्फोट! दिल्लीत ठरलं मात्र मुंबईत....

Congress on Sharad Pawar : अदानी प्रकरणाच्या जेपीसी चौकशीच्या मागणीला निरर्थक ठरवून राष्ट्रवादी काँग्रेसचे अध्यक्ष शरद पवार यांनी राजकीय खळबळ माजवली होती. शरद पवार यांच्या वक्तव्यानंतर महाविकास आघाडीत अंतर्गत कलह वाढला होता. काँग्रेसच्या वरिष्ठ नेत्यांनी देखील शरद पवार यांच्या वक्तव्यावर आक्षेप घेतला होता. त्यानंतर शरद पवार यांनी मवाळ भूमिका घेत नवीन वक्तव्य केले. दरम्यान महाराष्ट्राचे माजी मुख्यमंत्री आणि काँग्रेसचे आमदार पृथ्वीराज चव्हाण गौप्यस्फोट केला आहे. 

अदानी समूहावरील आरोपांची संयुक्त संसदीय समिती (जेपीसी) चौकशी करण्याच्या मागणीशी सहमत नसलो तरी विरोधी पक्षांच्या ऐक्यासाठी त्यांच्या भूमिकेच्या विरोधात जाणार नाही, असे शरद पवार म्हणाले होते. त्यामुळे राष्ट्रवादीत मोठा संभ्रम निर्माण झाला आहे. 

दरम्याम काँग्रेस नेते माजी मुख्यमंत्री पृथ्ववीराज चव्हाण यांनी गौप्यस्फोट केला आहे. पृथ्वीराज चव्हाण म्हणाले, "दिल्लीत २० पक्षांनी एक सामायिक आघाडी स्थापन केली आणि अदानी प्रकरणाच्या चौकशीची मागणी केली. सर्वांनी जेपीसीची मागणी केली. मुंबईत आल्यावर शरद पवार यांनी एक वेगळं विधान केले. पण आम्ही आमच्या मतावर ठाम आहोत. शरद पवारांनी म्हटलं की १९ पक्षांना JPC हवी असेल तर त्यांना आक्षेप नाही."

शरद पवार खरे बोलले की जेपीसीमध्ये सत्ता पक्षाचे बहूमत असेल पण त्यामध्ये सत्यशोधक होते. याबाबत देशात चर्चा होऊ शकते, असे पृथ्वीराज चव्हाण म्हणाले. 

शरद पवार यांनी यापूर्वी जेपीसी स्थापन केल्यास संसदेतील संख्याबळ पाहता त्यात (समितीत) सत्ताधारी भाजपचे बहुमत असेल आणि त्यामुळे अशा चौकशीच्या निकालावर शंका निर्माण होईल, असे म्हटले होते. मात्र विरोध झाल्यानंतर त्यांनी भूमिका बदलली.