Vidhan Sabha 2019 : मुख्यमंत्र्यांच्या विरोधात काँग्रेसचा "सरप्राइज' उमेदवार?

नागपूर : दक्षिण-पश्‍चिम नागपूर विधानसभा मतदारसंघात मुख्यमंत्र्यांच्या विरोधात कोण लढणार, असा प्रश्‍न सध्या उपस्थित केला जात आहे. अनेकांनी आधीच लढण्यास नकार दिला आहे. त्यामुळे उमेदवाराबाबतचे गूढ आणखीच वाढले आहे. असे असले तरी येथून देवेंद्र फडणवीस यांना सरप्राइज देणार असल्याचे संकेत कॉंग्रेसच्या नेत्यांनी दिले आहेत.

Vidhan Sabha 2019 : भाजपच्या 20 टक्के आमदारांना डच्चू?

मुख्यमंत्र्यांच्या विरोधात याच मतदारसंघात यापूर्वी कॉंग्रेसचे शहराध्यक्ष विकास ठाकरे आणि ज्येष्ठ नगरसेवक प्रफुल्ल गुडधे लढले आहेत. मात्र, दोघांनाही पराभव पत्करावा लागला. विकास ठाकरे यांनी यापूर्वीच पश्‍चिमेची वाट धरली आहे. प्रफुल्ल गुडधे यांनी मागील निवडणुकीत मुख्यमंत्र्यांच्या विरोधात लढण्याची तयारी दर्शवली होती. त्यामुळे त्यांना संधी देण्यात आली होती. आता पुन्हा सलग पराभवाचा ठप्पा लागू नये, याकरिता तेही पश्‍चिम नागपूरला पसंती देत आहेत. त्यामुळे कोणाला उमेदवारी द्यावी, असा प्रश्‍न कॉंग्रेसला पडला आहे. एखाद्या सक्षम उमेदवाराच्या शोधात कॉंग्रेस आहे. याकरिता विविध नावांवर चर्चा सुरू आहे. येथील मतदारांची संख्या लक्षात घेता साहजिकच कुणबी समाजाला येथे प्राधान्य दिले जाणार आहे. यापूर्वीचे दोन्ही उमेदवार कुणबीच होते. त्यामुळे कुणबी फॅक्‍टर कितपत चालेल, याविषयी शंका आहे. लोकसभेच्या निवडणुकीतही नाना पटोले यांना या मतदारसंघातून मोठी आशा होती. त्यांनी जाणीवपूर्वक "ओबीसीं'ना मतदान करा, असे भावनिक आवाहन केले होते. यानंतरही येथून कॉंग्रेसला मताधिक्‍य मिळवता आलेले नाही.

Vidhan Sabha 2019 : अवघ्या 30 दिवसांत 5 वर्षांच्या कामाचा निकाल

कॉंग्रेसकडे मुख्यमंत्र्यांना टक्कर देऊ शकेल, असा सक्षम उमेदवार दक्षिण-पश्‍चिमेत नाही. त्यामुळे येथून उमेदवार बाहेरून आयात केला जाणार असल्याची चर्चा आहे. त्यामुळे काटोल किंवा पश्‍चिम नागपूरमधील कॉंग्रेसचा सरप्राइज उमेदवार राहणार असल्याची राजकीय वर्तुळात चर्चा आहे.