देशातील काँग्रेसचे दिग्गज नेते आज राजीव सातव यांना वाहणार श्रध्दांजली

कळमनुरी ( जिल्हा हिंगोली ) : राज्यसभेचे खासदार तथा गुजरात प्रभारी स्वर्गीय अॅड. राजीव सातव (Late Rjiv satav) यांना श्रद्धांजली वाहण्यासाठी महाराष्ट्र प्रदेश काँग्रेस समितीच्या वतीने बुधवार (ता. 19) ला ऑनलाईन सभेचे (online ) आयोजन करण्यात आले आहे. या सभेमध्ये पक्षाचे नेते राहुल गांधी (Rahul Gandhi) यांच्यासह वरिष्ठ नेते मंडळी सहभागी होणार असल्याची माहिती देण्यात आली आहे.

राज्यसभेचे खासदार तथा गुजरात प्रभारी राजीव सातव यांच्या निधनानंतर महाराष्ट्र प्रदेश काँग्रेस समितीच्या वतीने बुधवार (ता. 19) ला सायंकाळी सहा वाजता ऑनलाईन श्रद्धांजली सभेचे आयोजन करण्यात आले आहे. काँग्रेस पक्षाच्या अधिकृत असलेल्या सोशल मीडियाच्या युट्युब फेसबुक ट्विटरवरून ही ऑनलाईन श्रद्धांजली सभा प्रक्षेपित होणार आहे. सायंकाळी सहा वाजता होणाऱ्या या ऑनलाइन श्रद्धांजली कार्यक्रमात पक्षाचे नेते खासदार राहुल गांधी, राज्यसभेतील विरोधी पक्षनेते मल्लिकार्जुन खरगे, गुलाम नबी आजाद, पक्षाचे सरचिटणीस के. सी. वेणुगोपाल, महाराष्ट्र प्रभारी एच. के. पाटील, विधिमंडळ काँग्रेस पक्षाचे नेते तथा महसूल मंत्री बाळासाहेब थोरात, सार्वजनिक बांधकाम मंत्री अशोक चव्हाण, पालकमंत्री वर्षाताई गायकवाड यांच्यासह काँग्रेस पक्षाचे खासदार, मंत्री, आमदार या ऑनलाइन श्रद्धांजली सभेत सहभागी होणार आहेत.

हेही वाचा - चोरीच्या आठ दुचाकी जप्त; दोघांना अटक- हिंगोली स्थानिक गुन्हे शाखेची कारवाई

ही सभा काँग्रेस पक्षाचे प्रदेशाध्यक्ष नाना पटोले यांच्या अध्यक्षतेखाली आयोजित करण्यात आली आहे. या ऑनलाईन श्रद्धांजली सभेचे काँग्रेस पक्षाच्या अधिकृत असलेल्या असलेल्या सोशल मीडियाच्या संकेतस्थळावरुन थेट प्रक्षेपण केले जाणार असल्याची माहिती काँग्रेसचे जिल्हाध्यक्ष संजय बोंढारे व जिल्हा प्रवक्ता विलास गोरे यांनी दिली आहे.

संपादन- प्रल्हाद कांबळे