राष्ट्रवादीच्या पाटणकरांना विधानसभेला 'शोले'चा ट्रेलर दाखवू; गृहराज्यमंत्र्यांचा थेट इशारा | Sakal
sakal

बोलून बातमी शोधा

Shambhuraj Desai

'ट्रेलर दाखवणारे चित्रपट चालतात, असं नाही ते फ्लॉपही होतात. मात्र मी..'

'राष्ट्रवादीच्या पाटणकरांना विधानसभेला 'शोले'चा ट्रेलर दाखवू'

मोरगिरी (सातारा) : विधानसभा निवडणुकीत (Assembly Election) सत्यजित पाटणकरांना (Satyajit Patankar) जनतेने एकदा १८ आणि पुन्हा १५ हजार मतांनी पराभव करून अस्मान दाखवल आहे. मात्र, जिल्हा बँक निवडणूक (Satara District Bank Election) निकालाने ते हुरळून जाऊन चित्रपटातील ट्रेलरची भाषा करत आहेत. ट्रेलर दाखवणारे चित्रपट चालतात, असे नाही ते फ्लॉप होतात. मात्र, मी त्यांना २०२४ च्या विधानसभा निवडणुकीत ‘शोले’ चित्रपटाचा (Sholey Movie) ट्रेलर दाखवणार असून‌ तो सुपरहिट ठरेल, असा टोला गृहराज्यमंत्री शंभूराज देसाई (Shambhuraj Desai) यांनी सत्यजित पाटणकरांना लगावला.

हेही वाचा: 'धनशक्तीच्या जोरावरील सत्तेची मस्ती उतरवत तुम्हाला घरी बसवलंय'

नाटोशीत रस्त्याच्या कामाच्या भूमिपूजनप्रसंगी ते बोलत होते. शिवसेनेचे जिल्हाप्रमुख जयवंत शेलार, जिल्हा परिषद सदस्या सुग्रा खोंदू, बशीर खोंदू, नथुराम कुंभार, सरपंच अविनाश कुंभार, उपसरपंच उदय देसाई, गणेश भिसे, चेतन देसाई, विष्णुपंत देसाई आदी उपस्थित होते. मंत्री देसाई म्हणाले, ‘‘विरोधकांचा बालेकिल्ला म्हणून पाटणकरांनी मोरणा विभाग विकासापासून वंचित ठेवला. त्यांनी विकासाच्या बाबतीत दुजाभाव केल्याने हा विभाग विकासापासून वंचित राहिला होता.

हेही वाचा: 'भाजपकडून मला आमदारकीसाठी तिकीट देण्याची ऑफर'

मी २००४ साली आमदार झाल्यावर विकासाचा रोडमॅप तयार केला. लोकनेते बाळासाहेब देसाई (Balasaheb Desai) यांनी घालून दिलेल्या आदर्श वाटचालीवर नैतिक जबाबदारी आणि बांधिलकी जपत गट-तट न पाहता सर्वांगीण विकास करण्याचे उद्दिष्‍ट डोळ्यासमोर ठेवून कामे केली. कोरोनामुळे राज्याचे उत्पन्न एक लाख कोटींनी घटले. मात्र, विकासकामांसाठी निधी कमी पडणार नाही. पाटण विधानसभा मतदारसंघाचा चेहरा बदलण्यासाठी मी कटिबध्द आहे.’’ रामचंद्र कदम यांनी प्रास्ताविक केले. अॅड. मारुती देसाई यांनी आभार मानले.

हेही वाचा: 'राष्ट्रवादी कॉंग्रेसच्या हितासाठी सच्चा कार्यकर्त्याला अध्यक्षपद द्या'

Web Title: Dcc Bank Election 2021 Shambhuraj Desai Desai Will Show The Film Sholey To Satyajit Patankar

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..