पवारांच्या घरावरील हल्ल्याची चौकशी सुरु; गृहमंत्र्यांची माहिती

पोलिसांकडून किरीट सोमय्या आणि नील सोमय्यांशी संपर्क साधण्याचा प्रयत्न सुरु आहे. पवारांच्या घरावरील हल्ल्याची रितसर चौकशी सुरु आहे. माहिती मिळेल तशी संबंधितांवर कारवाई सुरु आहे. कायद्याप्रमाणे पोलिस योग्य ती कारवाई करतील असे स्पष्टीकरण गृहमंत्री दिलीप वळसे पाटील यांनी केलं आहे. आज ते मुंबईत बोलत होते.

शरद पवार यांच्या घरावर झालेल्या हल्ल्यामागील चौकशीसंदर्भात विचारले असता ते म्हणाले, पवारांच्या घरी जेवढा बंदोबस्त ठेवायला हवा तेवढा ठेवता आला नाही. यांसंबधित चौकशी केली असून संबंधित डीसीपीची बदली केली आहे. गावदेवी पोलिस स्थानकातील एका पोलिस अधिक्षकलाही निलंबित केलं आहे. त्यामुळे जशी माहिती समोर येईल तशी कारवाई करु, असे त्यांनी सांगितले आहे. त्यामुळे याप्रकरणी चौकशी सुरु असुन वस्तुस्थिती समोर आली की प्रतिक्रिया देणार असल्याचेही त्यांनी यावेळी स्पष्ट केलं.

पुढे ते म्हणाले, गुन्हा दाखल झाल्यापासून सोमय्या पिता पुत्र सापडत नाहीत. मात्र त्यांच्या शोध सुरु आहे. आरोप करणं सोपं असतं. मात्र सिद्ध झाल की समोर यायचं नाही हे लक्षण बरोबर नाही. सोमय्यांशी संपर्क होत नसल्याची गृबविभागाकडून माहिती समोर आली असल्याचेही त्यांनी सांगितले. त्यामुळे राज्य सरकारच्या पोलिस विभागावर प्रश्न उपस्थित करण्याचा प्रश्न उद्भवत नाहीस, असेही ते म्हणाले. फोन टॅपिंगबाबत ते म्हणाले, शिवसेना नेते आणि खासदार संजय राऊत यांचा फोन पोलिसांनी 60 दिवस टॅपिंगवर ठेवले होता. याशिवाय राष्ट्रवादी काँग्रेसचे नेते एकनाथ खडसे यांचा फोन ६७ दिवस टॅपिंगवर ठेवण्यात आला होता. या प्रकरणी चौकशीचे आदेश दिले आहेत. पवार यांच्या घरावर हल्या प्रकरणाची माहिती असूनही सुरक्षा का वाढवली नाही याबाबत समिती संघटन केली असून चौकशी सुरू असल्याचंही त्यांनी सांगितलं आहे.