Latest Marathi News | शिंदे, फडणवीस आता आरक्षण घालविल्याचे ढोल का बडवित नाहीत? एकनाथ खडसे | Sakal
sakal

बोलून बातमी शोधा

Eknath Khadse

शिंदे, फडणवीस आता आरक्षण घालविल्याचे ढोल का बडवित नाहीत? एकनाथ खडसे

जळगाव : ओबीसी आरक्षण (OBC Reservation) मिळाले त्यावेळी मुख्यमंत्री एकनाथ शिंदे (Eknath Shinde), देवेंद्र फडणवीस (Devendra Fadanvis) यांच्या कार्यकर्त्यांनी मोठा गाजावाजा करून त्याचे क्रेडिट घेतले; मात्र आता आरक्षण घालवलं त्याचा ढोल का वाजवत नाही? असा टोला एकनाथ खडसे (Eknath Khadse) यांनी शुक्रवारी (ता. २९) लगावला. सरकारने आपली असेल नसेल ती शक्ती पणाला लावून तसेच सर्वोच्च न्यायालयात पुनर्विचार याचिका दाखल करून ओबीसी आरक्षण मिळवून द्यावे, असेही श्री. खडसे म्हणाले.

हेही वाचा: वादग्रस्त वक्तव्य करणाऱ्या राज्यपालांना नाना शंकरशेठ यांचं चरित्र पाठवणार : राऊत

कोणत्याही परिस्थितीत ओबीसी आरक्षणाशिवाय निवडणुका होवू नये, असे मतही त्यांनी व्यक्त केले आहे. जळगाव येथे पत्रकारांशी बोलताना ते म्हणाले, की सर्वोच्च न्यायालयाने जो निकाल दिला तो अत्यंत दुर्दैवी आहे, ओबीसींवर अन्याय करणारा आहे. सरकारला माझी विनंती होती, की ९२ नगरपालिका, ग्रामपंचायतीच्या निवडणुका ओबीसी आरक्षणात व्हाव्यात. त्या जर आरक्षणाविना झाल्या तर ते योग्य होणार नाही.

मंत्रिमंडळ स्थापन होणे गरजेचे राज्यातील मंत्रिमंडळ विस्ताराबाबत खडसे म्हणाले, की महाराष्ट्राची परिस्थिती ही अत्यंत नाजूक आहे, आज अनेक भागात पूर परिस्थिती आहे. शेतकऱ्यांना मदतीची गरज आहे. त्यामुळे राज्यात लवकरात लवकर मंत्रिमंडळाचा विस्तार होण्याची गरज आहे. विधान परिषद सेनेत फूट नाही विधान परिषदेतील विरोधी पक्षनेते पदाबाबत ते म्हणाले, विधानपरिषदेतील आमदार आजही शिवसेना पक्षप्रमुख उद्धव ठाकरे (Uddhav Thackeray) यांच्यासोबत आहेत.

हेही वाचा: भाजपा पुरस्कृत CM होताच मराठी माणूस आणि शिवरायांचा अपमान सुरू झाला - संजय राऊत

विधानसभेत जे शिवसेनेचे आमदार फुटले त्यांनी काय केले हे जनतेसमोर आहेच. मात्र विधानपरिषदेत शिवसेनेचे आमदार त्यांच्या सोबत आहेत. विधानपरिषदेत त्यांचे आमदार जास्त आहेत. त्यामुळे विधानपरिषदेत विरोधी पक्षनेते पद त्यांच्याकडेच राहिले, ते आमचे सहयोगी पक्ष आहेत.

Web Title: Eknath Khadse Criticized Cm Eknath Shinde And Devendra Fadnavis On Obc Reservation

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..