Electric Bike : इलेक्ट्रिक स्कूटरच्या बॅटरीने घेतला ७ वर्षीय चिमुरड्याचा जीव

ई स्कुटरच्या बॅटरीच्या झालेल्या स्फोटात सात वर्षीय चिमुरड्याचा भाजून मृत्यू झाल्याची धक्कादायक घटना वसईत घडली. वसईत चार्जिंगसाठी लावलेल्या इलेक्ट्रिक स्कूटरच्या बॅटरीचा स्फोट झाला. या स्फोटात सात वर्षीय चिमुरड्याचा भाजून मृत्यू झाला. (Electric scooter battery Blast death 7 year old boy )

शब्बीर शाहनवाज अन्सारी, असे मृत्यू झालेल्या चिमुरड्याचे नाव आहे. मिळालेल्या माहितीनुसार, वसई पूर्वेकडील रामदास नगर इथे राहणाऱ्या शाहनवाज अन्सारी यांनी 23 सप्टेंबला रात्री अडीच वाजण्याच्या दरम्यान आपल्या इलेक्ट्रिक स्कूटरची बॅटरी घराच्या हॉलमध्ये चार्ज करण्यासाठी ठेवली होती. मात्र पहाटे बॅटरीचा भीषण स्फोट झाला.

त्यात हॉलमध्ये झोपलेले शाहनवाज यांचा सात वर्षाचा मुलगा शब्बीर आणि त्याची आई रुकसाना हे दोघे जखमी झाले. शब्बीर हा 70 ते 80 टक्के भाजल्याने त्याला उपचारासाठी रूग्णालयात दाखल करण्यात आलं. मात्र, उपचार सुरु असताना त्याचा मृत्यू झाला.

यापूर्वी अनेकवेळा चालत्या इलेक्ट्रिक स्कूटरचा स्फोट झाल्याचा घटना घडल्या आहेत.