कोकाटेंच्या राजीनाम्याचा निर्णय तुम्हीच घ्या, खातं कुणाला द्यायचं सांगा; मुख्यमंत्री फडणवीसांनी अजितदादांना स्पष्टच विचारलं

राज्याचे क्रीडामंत्री माणिकराव कोकाटे यांना सदनिका गैरव्यवहार प्रकरणी कनिष्ठ न्यायालयाने सुनावलेली शिक्षा जिल्हा न्यायालयाने् कायम ठेवली. त्यांना दोन वर्षांचा कारावास आणि ५० हजार रुपये दंड ठोठावण्यात आला आहे. आता यामुळे माणिकराव कोकाटे यांचं मंत्रिपद धोक्यात आलं आहे. माणिकराव कोकाटे यांच्या अटकेचं वॉरंट जारी करण्याच्या हालचाली सुरू आहेत. तर मंत्री कोकाटे हे नॉटरिचेबल आहेत. या पार्श्वभूमीवर उपमुख्यमंत्री अजित पवार हे मुख्यमंत्री देवेंद्र फडणवीस यांच्या भेटीसाठी गेले आहेत. या भेटीत माणिकराव कोकाटे यांच्याबाबत चर्चा झाल्याचं समजतं.