शिवसेना माजी जिल्हाप्रमुख लक्ष्मीकांत ठोंगे-पाटलांना मारहाण

सोलापूर: शिवसेनेचे (Shivsena) माजी जिल्हाप्रमुख लक्ष्मीकांत ठोंगे-पाटील (Laxmikant Thonge-Patil) यांना शिवसैनिकांकडून मारहाण झाली. ही घटना सोलापुरात सकाळी घडली. पार्किंगच्या क्षुल्लक कारणावरून हा प्रकार घडला.

आज सोलापूरमधील (Solapur) हुतात्मा स्मृती मंदिर येथे वरूण सरदेसाई यांच्या उपस्थितीत युवासेना मेळावा आयोजित केला होता. या मेळाव्यासाठी शिवसैनिकांनीही मोठ्या संख्येने गर्दी केली होती. त्यावेळी पार्किंगच्या क्षुल्लक कारणावरून शिवसेनेचे माजी जिल्हाप्रमुख लक्ष्मीकांत ठोंगे-पाटील यांना शिवसैनिकांकडून मारहाण करण्यात आली. यामुळे शिवसेनेतील गटबाजी पुन्हा चव्हाट्यावर आली आहे.

शिवसेना आमदार तानाजी सावंत (Shivsena MLA Tanaji Sawant) यांनी आज निधी वाटपावरून उघड नाराजी बोलून दाखवली आहे. तसेच त्यांनी राष्ट्रवादीवर गंभीर आरोप देखील केले आहेत. तर दुसरीकडे माजी जिल्हाप्रमुखांनाच मारहाण केल्याने शिवसेनेतील गटबाजी पुन्हा चव्हाट्यावर आली आहे.