Girish Mahajan l मनसे-भाजप युती होणार? गिरीश महाजन म्हणाले,वरिष्ठांचा निर्णय... | Sakal
sakal

बोलून बातमी शोधा

bjp,mns

मनसे-भाजप युती होणार? गिरीश महाजन म्हणाले,वरिष्ठांचा निर्णय...

राज ठाकरे (Raj Thackeray) यांच्या ठाणेतील उत्तर सभेनंतर भाजप आणि मनसे युती होणार का अशी चर्चा राजकीय वर्तुळात रंगली आहे. ऱाज ठाकरे हे भाजपाची बी-टीम असल्याचेही बोलले जात आहे. यावरून आज सकाळी भाजपा प्रदेशाध्यक्ष चंद्रकांत पाटील (Chandrakant Patil) यांनी सडेतोड उत्तर दिले. दरम्यान भाजप नेते आणि आमदार गिरीश महाजन (Girish Mahajan) यांनीही एका खासगी वाहिनीला या संदर्भात प्रतिक्रिया दिली आहे.

हेही वाचा: राजकीय व्यासपीठावर नवा जॉनी लिव्हर सापडलायं; जितेंद्र आव्हाड

ते म्हणाले, राज ठाकरे हे हिंदुत्वाचे विचार मांडत आहे. वरिष्ठ पातळीवर यासंदर्भात निर्णय होणार असून मनसे सोबत भाजपाची युती होऊ शकते असे संकेत गिरीश महाजन यांनी दिले आहेत. राजकारणात काही अशक्य नाही. हा सर्व प्रश्न आमच्या वरिष्ठांचा आहे. ते जो निर्णय घेतील तो आम्हाला मान्य असेल असेही ते म्हणाले.

हेही वाचा: नवाब मलिकांच्यावर ईडी कारवाई होताच मुनगंटीवार,भातखळकर म्हणाले...

उद्धव ठाकरे यांच्यावर निशाणा साधताना ते म्हणाले, उद्धव ठाकरे म्हणतात राज यांच हिंदुत्व हे बनावटी आहे. ते बनावटी हिंदू हृदयसम्राट बनायचा प्रयत्न करत आहेत. मात्र कोण ओरिजिनल कोण डुप्लिकेट हे जनता ठरवेल. निवडणुकीत त्यांना उत्तर मिळेल असा इशाराही त्यांनी दिला. राज ठाकरे हिंदुत्वावर बोलत आहेत हे चांगलं आहे. उद्धव ठाकरे आणि राज ठाकरे यांच्यात स्पर्धा असल्याचेही ते म्हणाले.

Web Title: Girish Mahajan On Bjp Mns Alliance Political

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top