नॉट रिचेबल हर्षवर्धन पाटील मुख्यमंत्र्यांच्या भेटीला; काय ठरलं?

मुंबई : नॉट रिचेबल असणारे काँग्रेस नेते माजी मंत्री हर्षवर्धन पाटील यांनी आज (ता.06) मुख्यमंत्री देवेंद्र फडणवीस यांची मुंबईत भेट घेतली. काँग्रेस कालपासून त्यांच्या शोधात असले तरी त्यांनी आज थेट मुख्यमंत्र्यांची भेट घेऊन सर्वांनाच धक्का दिला.

सुप्रिया सुळेंचं हर्षवर्धन पाटलांना आव्हान

मुख्यमंत्र्यांची भाजपा प्रवेशसंदर्भात महत्वपूर्ण चर्चा झाल्याची माहिती यावेळी हर्षवर्धन पाटील यांनी दिली. लवकरच अंतिम निर्णय घेणार असल्याचेही पाटील यावेळी म्हणाले. दरम्यान, काँग्रेस आणि राष्ट्रवादीच्या वाटाघाटीत इंदापूर विधानसभेची जागा ही राष्ट्रवादीने सोडली नाही, राष्ट्रवादी काँग्रेस पक्षाने लोकसभा निवडणुकीत दिलेला शब्द पाळला नसल्याचा आरोप हर्षवर्धन पाटील यांनी केला होता.

राष्ट्रवादी काँग्रेसने गैरफायदा घेतला- हर्षवर्धन पाटील

काल (ता.05) दिवसभर राष्ट्रवादी आणि काँग्रेसच्या अनेक नेत्यांनी हर्षवर्धन पाटील यांच्याशी संपर्क करण्याचा प्रयत्न केला होता परंतु, नॉट रिचेबल असणाऱ्या हर्षवर्धन पाटील यांचा कोणाशीही संपर्क होऊ शकला नाही.