आरोग्य विभागात 16 हजार पदांची तातडीने भरती - राजेश टोपे

मुंबई - राज्यात (Maharashtra) कोरोनाने हाहाकार माजवला असून आरोग्य यंत्रणेवर मोठा ताण आला आहे. सध्या राज्यात दरदिवशी कोरोनाचे 50 हजारांच्या आसपास नवीन रुग्ण सापडत आहेत. एका बाजुला वैद्यकीय साधनांचा तुटवडा असताना आरोग्य कर्मचाऱ्यांचीही कमतरता भासत आहे. याच पार्श्वभूमीवर 100% रुग्ण सेवा पद भरण्याची काल मंत्री मंडळाची परवानगी मिळाल्याची माहिती राज्याचे आरोग्यमंत्री राजेश टोपेंनी (Rajesh Tope) दिली. यामुळे आता राज्यात आरोग्य विभागात 16 हजार पदांची तातडीने भरती करण्यात येणार आहे. यासाठीचा आदेश लवकरच जारी करण्यात येईल अशी माहिती राजेश रोपेंनी पत्रकार परिषदेत सांगितली.

आरोग्य विभागात भरण्यात येणाऱ्या पदांमध्ये 12 हजार पदे ही क आणि ड वर्गातील असणार आहेत. तर 2 हजार मेडिकल ऑफिसर पदांचा यामध्ये समावेश आहे. याशिवाय 2 हजार टेक्निकल पद भरणार असल्याचंही राजेश टोपे यांनी सांगितले आहे. आरोग्य विभागातील या भरतीसाठी मंत्री मंडळाची आवश्यकता नसेल असे राजेश टोपे म्हणाले. मुख्यमंत्री, उपमुख्यमंत्री, आरोग्यमंत्री यांनाही पद भरण्याचे अधिकार देण्यात आल्याचं राजेश टोपे म्हणाले.