कर्जत : भाजपचे आमदार गोपीचंद पडळकर यांना राष्ट्रवादीचे अध्यक्ष शरद पवार यांच्यावर टीका करणं महागात पडलं आहे. या प्रकरणी पडळकर यांच्यावर कर्जत पोलिस स्टेशन येथे गुन्हा दाखल करण्यात आला आहे. (case filed against bjp mla gopichand padalkar over critisizing sharad pawar)
चिथावणीखोर वक्तव्य केल्याप्रकरणी भाजप आमदार यांच्यावर गुन्हा दाखल करण्यात आला आहे. काल पुण्यश्लोक आहिल्यादेवी होळकर यांच्या जयंतीनिमीत्त झालेल्या कार्यक्रमात शरद पवार आणि पडळकर यांच्यातील संघर्ष पुन्हा एकदा समोर आला होता. दरम्यान या कार्यक्रमात शरद पवार यांच्याविरोधात पडळकरांनी भाषण केलं होतं. त्या संदर्भात कर्जत पोलिस स्टेशनमध्ये गुन्हा दाखल करण्यात आला आहे.
५०५ (२) अन्वय गुन्हा दाखल करण्यात आला आहे, यासंबंधीची तक्रार पोलिसांना देण्यात आली होती. एका समाजाला एका व्यक्तीच्या विरोधात भडकवल्याबद्दल ही तक्रार देण्यात आली आहे
काल चौंडी गावात प्रवेश करण्यापासून पडळकर यांना पोलिसांनी रोखल्यानंतर त्यांनी प्रसारमाध्यमांना प्रतिक्रिया देताना शरद पवारांवर टीका केली होती. बहुजनांची पोरं आजा-नातवाच्या छाताडावर नाचल्याशिवाय राहणार नाही, अशी टीका गोपीचंद पडळकर यांनी (Gopichand Padalkar) यांनी रोहित पवार आणि शरद पवार यांच्यावर केली होती.
रोहित पवारांनी पडळकर खूप चांगला अभिनय करतात. त्यांनी व्यक्तिगत स्टंट केला. त्यांचे थर्ड ग्रेडचे भाषण झाल्याचा टोला पवार यांनी लगावला होता. तसेच पडळकर यांची गेल्या काही दिवसांची भाषण ऐकली तर दगडफेक करा अशीच होती. त्यामुळे पोलिस कारवाई करणारच, असे देखील रोहित पवार म्हणाले होते.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.