"बस्स झाले टोमणे, आता कामं करा"; CM उद्धव ठाकरेंना भाजपाचा टोला

शिवसेनाप्रमुख बाळासाहेब ठाकरे यांचीही त्यांनी आठवण काढली.
CM Uddhav Thackeray
CM Uddhav Thackerayesakal

मुंबई: टोमणे ऐकत करमणूक करून घेण्याची महाराष्ट्राच्या जनतेची सहनशीलता आता संपली आहे. त्यामुळे आता कामाला लागा आणि समस्या सोडवा असा टोला भाजपाचे मुख्य प्रवक्ते केशव उपाध्ये(Keshav Upadhye) यांनी मुख्यमंत्री उध्दव ठाकरे (Uddhav Thackeray) यांना लगावला. मुंबईत माध्यमांशी त्यांनी संवाद साधला. यावेळी शिवसेनाप्रमुख बाळासाहेब ठाकरे यांचीही त्यांनी आठवण काढली.

उध्दव ठाकरे यांच्यावर निशाणा साधताना ते म्हणाले, गेल्या अडीच वर्षापासून म्हणजेच सत्तेत आल्यापासून मुख्यमंत्र्यांनी टोमणे मारणे, कोट्या करणे यातच वेळ वाया घालवला. जनता याला कंटाळली आहे. राज्यासमोरचे गंभीर प्रश्न सोडविण्यासाठी मुख्यमंत्र्यांनी आतातरी कामाला लागावे असेही ते म्हणाले.

CM Uddhav Thackeray
Hijab Row l बेळगावात दहावीच्या पहिल्या पेपरला 430 विद्यार्थ्यांची दांडी

ते पुढे म्हणाले, राज्यात सध्या अनेक प्रश्न आहेत. एसटी संप, मराठा आरक्षण, ओबीसींचे राजकीय आरक्षण याबाबत ते काहीच बोलत नाहीत. उलट यांच्या काळात भ्रष्टाचार, गुंडगिरी,महिलांवरील अत्याचार,सामान्य कामगारांवर बेरोजगारीची वेळ, आत्महत्या वाढल्या, शेतकऱ्यांना नैराश्य आले. अशा भीषण परिस्थितीत मुख्यमंत्री टोमणे मारत विनोदातून जनतेची करमणूक करण्याचा प्रयत्न करत आहेत. समस्यांपासून जनतेचे लक्ष विचलित करण्याचा निष्फळ प्रयत्न करत आहेत असा आरोप केला.

CM Uddhav Thackeray
शेवटी...'मातोश्री' हेच सगळ्यांचे आश्रयस्थान ; सदाभाऊ खोत

बाळासाहेब ठाकरे (Balasaheb Thackeray) यांची आठवण काढताना केशव उपाध्ये म्हणाले, शिवसेनाप्रमुख बाळासाहेब ठाकरे यांनी मुख्यमंत्री मनोहर जोशी यांना खडसावले होते. दोन वर्षे केवळ घोषणाबाजी केल्यानंतर, आता घोषणा पुरे, कामाला लागा, असा जाहीर सल्ला बाळासाहेबांनी जोशी यांना दिला होता. आज बाळासाहेब असते, तर तोच सल्ला त्यांनी उद्धव ठाकरे यांना दिला असता असाही टोला लगावला.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com