राज्य सरकारनं थांबवलं जीनोम सिक्वेन्सिंग; सर्वाधिक रुग्ण ओमिक्रॉनचेच?|Maharashtra Corona Cases | Sakal
sakal

बोलून बातमी शोधा

Maharashtra Stopped Genome Sequencing

राज्य सरकारनं थांबवलं जीनोम सिक्वेन्सिंग; सर्वाधिक रुग्ण ओमिक्रॉनचेच?

मुंबई : राज्यात ओमिक्रॉनमुळे कोरोनाची रुग्णसंख्या (Maharashtra Corona Cases) झपाट्याने वाढत आहे. त्यातच ओमिक्रॉनच्या रुग्णांची (Maharashtra Omicron Cases) संख्या देखील अधिक आहे. शेवटच्या जीनोम सिक्वेन्सिंगमधील (Genome Sequencing) तब्बल ५५ टक्के नमुने ओमिक्रॉनसाठी पॉझिटिव्ह आढळून आले आहेत. त्यामुळे राज्य सरकारने जीनोम सिक्वेन्सिंग थांबविण्याचा निर्णय घेतला आहे. त्यामुळे राज्यात सापडणारे सर्वाधिक रुग्ण हे ओमिक्रॉनचेच आहेत का? अशी भीती व्यक्त केली जात आहे.

हेही वाचा: आंतरराष्ट्रीय प्रवाशांपैकी दीड टक्के रुग्ण ओमिक्रॉन बाधित

एकीकडे कोरोना रुग्णांची संख्या वाढत असताना त्यात ओमिक्रॉन या नव्या व्हेरिअंटच्या रुग्णांचेही प्रमाण वाढत आहे. सध्या देशात ओमिक्रॉनचे २६३० रुग्ण आहेत. सर्वाधिक ओमिक्रॉनचे रुग्ण हे महाराष्ट्रात ७९७ इतके आहेत. त्याखालोखाल दिल्लीत ४८५ तर राजस्थानात २३६ रुग्ण आहेत. केरळमध्ये २३४, गुजरातमध्ये २०४ आणि तामिळनाडुत १२१ ओमिक्रॉन बाधितांची नोंद झाली आहे.

मुंबई सर्वाधिक रुग्ण -

मुंबईत गेल्या २४ तासांत १५१६६ कोरोना रुग्ण आढळून आले आहेत. तसेच तिघांचा मृत्यू झाला आहे. बुधवारी नव्या १४४ ओमिक्रॉनचे रुग्ण आढळून आले असून मुंबईत शाळा-महाविद्यालय बंद करण्यात आली आहे. तसेच मुंबईत काही दिवसात ओमिक्रॉनची लाट येऊ शकते, असा इशारा तज्ज्ञांनी दिला आहे.

देशातील स्थिती काय? -

गेल्या चोवीस तासात देशभरात 19 हजार 206 रुग्णांना डिस्चार्ज देण्यात आला आहे. सध्याचा पॉझिटिव्हिटी रेट 6.43 टक्क्यांवर गेला आहे. तर, आतापर्यंत कोरोनामुळे 4 लाख 82 हजार 876 जणांचा मृत्यू झाला आहे. सध्या देशात 2 लाख 85 हजार 401 इतके अॅक्टिव्ह रुग्ण आहेत. तर आतापर्यंत देशातील 3 कोटी 43 लाख 41 हजार 009 रुग्ण कोरोनातून रिकव्हर झाले आहेत.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Maharashtra Newsomicron
loading image
go to top