Maharashtra Rian Update: मुंबईत सोमवारी दिवसभर कोसळणाऱ्या पावसाने आज विश्रांती घेतली आहे. मात्र, ढगाळ वातावरण कायम आहे. मुंबईसह सहा जिल्ह्यांना रेड अलर्ट जारी करण्यात आला आहे. मुंबई, नवी मुंबई, पुणे, सातारा, सिंधुदूर्ग, रत्नागिरी या राज्यांना रेल अलर्ट जारी झालाय. या जिल्ह्यात प्रशासन सतर्क झाले असून त्यादृष्टीने काम केले जात आहे. मुंबईतील पावसाचा विमानसेवेला देखील फटका बसला आहे. ५० पेक्षा जास्त आंतरराष्ट्रीय फ्लाईट रद्द करण्यात आले आहेत.
मुंबई, ठाण्यामध्ये पावसाचा जोर ओसरला आहे. तिन्ही रेल्वे मार्गावरील वाहतूक सुरू आहे. पण, लोकल रेल्वे दोन ते तीन मिनिट उशिराने धावत आहेत. राज्यात अनेक ठिकाणी मुसधळार पावसाचा अंदाज व्यक्त करण्यात आला आहे. पालघर, ठाणे, अमरावती, अकोला, यवतमाळ जिल्ह्यांमध्ये पावसाचा ऑरेंज अलर्ट देण्यात आला आहे. नागरिकांना काळजी घेण्याचे आवाहन करण्यात आले आहे.
पावसाच्या शक्यतेमुळे अनेक जिल्ह्यांमध्ये शाळांना सुट्टी जाहीर करण्यात आली आहे. पुणे, रायगड, नवी मुंबई, ठाणे, रत्नागिरी, सिंधुदुर्ग, मुंबई या जिल्ह्यांमध्ये शाळांना सुट्टी जाहीर करण्यात आली आहे. काही अघटित घडू नये यासाठी खबरदारी म्हणून प्रशासनाकडून हा निर्णय घेण्यात आला आहे. मुंबई, नवी मुंबई, ठाणे, रायगड, पालघर, रत्नागिरी आणि सिंधुदुर्ग जिल्ह्यातील नियोजित परीक्षा पुढे ढकलण्यात आल्या आहेत. नव्या तारखा लवकरच जाहीर करण्यात येतील.
पालघर, ठाणे, धुळे, नंदुरबार, जळगाव, नाशिक, अहमदनगर, कोल्हापूर, सांगली, सोलापूर, औरंगाबाद, जालना, परभणी, बीड, नांदेड, लातूर, उस्मानाबाद, अकोला, भंडारा, बुलढाणा, चंद्रपूर,गडचिरोली, गोंदिया, नागपूर, वर्धा, वाशिम आणि यवतमाळमध्ये मुसळधार ते मध्यम स्वरुपाच्या पावसाची शक्यता आयएमडीने व्यक्त केली आहे.
मुंबई, नवी मुंबई, पुणे, सातारा, सिंधुदूर्ग, रत्नागिरी या राज्यांना रेल अलर्ट
पालघर, ठाणे, अमरावती, अकोला, यवतमाळ
पुणे, रायगड, नवी मुंबई, ठाणे, रत्नागिरी, सिंधुदुर्ग, मुंबई
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.