Latest Marathi News Live Update : नवापूरमध्ये बस आणि ट्रकचा भीषण अपघात

नंदुरबार जिल्ह्यातील नवापूरमध्ये दोन ट्रकच्या मध्ये बस दबल्यी गेल्याने अनेक प्रवाशी जखमी झाल्याची माहिती समोर आली आहे. .पुणे महानगरपालिकेच्या चिखली जलशुद्धीकरण केंद्राला पाणीपुरवठा करणाऱ्या मुख्य पाईपलाईनमध्ये मोठ्या प्रमाणात गळती झाल्यामुळे पुढील आठ ते दहा दिवस शहराच्या अनेक भागांमध्ये पाणीपुरवठा विस्कळीत होण्याची शक्यता आहे..राज्याच्या उपमुख्यमंत्री सुनेत्रा पवार बारामतीमधून सातारासाठी मार्गस्थ झाल्या आहेत. आज सकाळी दहा वाजता त्या यशवंतराव चव्हाण यांच्या स्मृतिस्थळाचे दर्शन घेणार आहेत. काही मिनिटांपूर्वीच सुनेत्रा पवार या बारामतीमधील त्यांच्या सहयोग निवासस्थानामधून बाहेर पडल्या आहेत..मिरज : मिरज ग्रामीण पोलिस ठाण्यात दाखल झालेल्या गुन्ह्यात आरोपी न करण्याच्या मोबदल्यात सहा लाख रुपयांची लाच स्वीकारताना सहाय्यक पोलिस निरीक्षकास पकडण्यात आले. सुनील शिवाजी गुरव (वय ४०, वृंदावन बंगला, विवेकानंद कॉलनी, मिरज) असे संशयित पोलिस अधिकाऱ्याचे नाव आहे. तो मिरज ग्रामीण पोलिस ठाण्यात कार्यरत आहे. त्याच्यासह खासगी एकजण जयवंत ईश्वर नागरगोजे (वय ५४, बेडग) यालाही अटक करण्यात आली होती. दोघांनाही आज दोन दिवसांची पोलिस कोठडी सुनावण्यात आली, असे लाचलुचपत प्रतिबंधक विभागाने सांगितले. तसेच घराची झडती घेण्यात येणार असल्याचे स्पष्ट करण्यात आले. लाचलुचपत प्रतिबंधक विभागाकडून मिळालेली माहिती अशी, संशयित सहाय्यक निरीक्षक सुनील गुरव यांच्याकडे मिरज ग्रामीण पोलिस ठाण्यांतर्गत येणाऱ्या मालगाव परिसराचा कार्यभार आहे..मुंबई : चित्रपट दिग्दर्शक रोहित शेट्टी याच्या जुहू येथील निवासस्थानी शनिवारी (ता. ३१) मध्यरात्री झालेल्या गोळीबारप्रकरणी पाच संशयितांना पुण्यातून ताब्यात घेतल्याचे मुंबई पोलिसांनी सांगितले. .जोतिबा डोंगर : श्री क्षेत्र जोतिबा डोंगर (ता. पन्हाळा) येथील दख्खनचा राजा श्री जोतिबा देवाच्या खेट्यांना येत्या रविवार (ता. ८) पासून प्रारंभ होत आहे. यासाठी जोतिबानगरी सज्ज झाली असून, या खेट्यांसाठी राज्यभरातून लाखो भाविक येतात..कोल्हापूर : महापालिकेच्या नव्या सभागृहातील भाजपचा पहिला महापौर कोण होणार, याचा फैसला आज (ता. २) होणार आहे. त्यासाठी मंत्री चंद्रकांत पाटील यांच्या उपस्थितीत सकाळी होणाऱ्या भाजप नगरसेवकांच्या बैठकीत निर्णय घेऊन दोन नगरसेवकांचे अर्ज दाखल केले जाणार आहेत..इस्लामाबाद : पाक लष्कराने बलुचिस्तान प्रांतात केलेल्या विविध दहशतवादविरोधी कारवायांमध्ये ९२ दहशतवादी ठार झाले, तर पाकचे १५ सैनिकही मृत्युमुखी पडले. बलुच गटांशी संबंधित दहशतवाद्यांनी शनिवारी (ता.३१) अनेक ठिकाणी हल्ले केल्यानंतर या कारवाया सुरू करण्यात आल्या, असे पाकिस्तान लष्कराच्या निवेदनात म्हटले आहे. दहशतवाद्यांनी क्वेट्टा, मस्तुंग, नुश्की, दलबंदीन, खारान, पंजगूर, टुम्प, ग्वादर आणि पासनी या ठिकाणी दहशतवादी कारवाया केल्या..Latest Marathi Live Updates 02 february 2026 : ‘‘अजित पवार हे आमच्या सरकारमध्ये होते. माझ्याशी त्यांचे व्यक्तिगतही खूप चांगले संबंध होते. ते सर्व गोष्टी माझ्याशी शेअर करायचे. अजित पवार जर समजा दोन्ही राष्ट्रवादी काँग्रेसच्या एकत्रीकरणाची चर्चा करत असतील, तारीखही ठरली असेल तर ते मला सांगणार नाहीत का? किंबहुना एकत्रीकरणाची चर्चा भाजपशी करणार नाहीत का?, असा सवाल मुख्यमंत्री देवेंद्र फडणवीस यांनी केला. तसेच चित्रपट दिग्दर्शक रोहित शेट्टी याच्या जुहू येथील निवासस्थानी शनिवारी (ता. ३१) मध्यरात्री झालेल्या गोळीबारप्रकरणी पाच संशयितांना पुण्यातून ताब्यात घेतल्याचे मुंबई पोलिसांनी सांगितले. त्याचबरोबर ‘‘दिवंगत उपमुख्यमंत्री अजित पवार यांचे उचित स्मारक बारामतीत व्हावे, अशी इच्छा ज्येष्ठ नेते शरद पवार यांनी व्यक्त केली आहे. याशिवाय देश आणि राज्यातील इतर महत्त्वाच्या घडामोडी, वाहतूक कोंडी, राजकीय हालचाली, क्रीडा, मनोरंजन तसेच मान्सूनविषयक अपडेट्स जाणून घेण्यासाठी एका क्लिकवर सविस्तर माहिती मिळवा....सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Latest Marathi News Live Update : नवापूरमध्ये बस आणि ट्रकचा भीषण अपघात

Nandurbar Live : नवापूरमध्ये बस आणि ट्रकचा भीषण अपघात

Related Stories