Latest Marathi News Live Update : सुप्रिया सुळेंनी घेतली अजितदादांच्या आईची भेट

सुप्रिया सुळे यांनी घेतली अजित पवार यांच्या आईची भेट बारामती - सुप्रिया सुळे काटेवाडीमध्ये दाखल सुप्रिया सुळे यांनी घेतली अजित पवार यांची आई आशा काकी यांची भेट मतदानाचा हक्क बजावल्यानंतर सुप्रिया सुळे थेट काटेवाडी मध्ये पोहोचल्या.पश्चिम बंगालमध्ये आज मतदान सुरू असून भाजपचे नेते सुवेंदू अधिकारी यांनी मोठं विधान केलंय. सनातन जिंकेल, सनातनचं संरक्षण होईल असं ते म्हणालेत. बंगालमध्ये यावेळी परिवर्तन होईल. जर परिवर्तन झालं नाही तर पश्चिम बंगालमध्ये सनातन संपुष्टात येईल..ठाणे ते कल्याण प्रवासाचा वेळ निम्म्याने कमी होणार आहे. मुंबई मेट्रो ५ ए ला मंजुरी मिळाली आहे. यात ३४ किमी लांबीवर १९ स्टेशन्स असणार आहेत.ॉ.कोलकता : पाच राज्यांच्या विधानसभा निवडणुकीत आज, गुरुवारी (ता. २३) पश्चिम बंगालमध्ये पहिल्या टप्प्यात १५२ जागांसाठी मतदान होत आहे; तसेच तमिळनाडूमध्ये सर्व २३४ जागांसाठी मतदान होत आहे. पश्चिम बंगालमध्ये १६ जिल्ह्यांमध्ये मतदान होत असून, या टप्प्यात १४७८ उमेदवार रिंगणात आहेत. पश्चिम बंगालमध्ये दुसऱ्या टप्प्याचे मतदान २९ एप्रिल रोजी होईल. तमिळनाडूमध्ये २३४ विधानसभा जागांसाठी एकाच टप्प्यात मतदान होत आहे. .बेळगाव : दहावी परीक्षेचा निकाल गुरुवारी सकाळी बारा वाजता होणार आहे, अशी माहिती शिक्षणमंत्री मधु बंगाराप्पा यांनी दिली. विद्यार्थ्यांना हा निकाल https://karresults.nic.in तसेच KarnatakaOneMobile App द्वारे पाहता येणार आहे. .बंगळूर : सोन्याच्या तस्करी प्रकरणात एका वर्षापासून परप्पन अग्रहार कारागृहात असलेल्या अभिनेत्री रन्या राव हिला आर्थिक गुन्हे प्रतिबंधक न्यायालयाने जामीन मंजूर केला आहे. तीन मार्च २०२५ रोजी रन्या राव हिला १४.८ किलो सोने तस्करी केल्याच्या आरोपावरून केम्पेगौडा विमानतळावर अटक केली होती. .आज सकाळी काटेवाडी येथील जिल्हा परिषद शाळेत राज्याच्या उपमुख्यमंत्री श्रीमती सुनेत्रा अजित पवार यांनी आपला मतदानाचा हक्क बजावला. यावेळी खासदार पार्थ अजित पवार यांनीही याच ठिकाणी मतदान करत लोकशाही प्रक्रियेत आपला सहभाग नोंदवला. याप्रसंगी सर्व नागरिकांनी जबाबदारीची जाणीव ठेवून मतदान प्रक्रियेत सहभागी व्हावे, असे आवाहन उपमुख्यमंत्री सुनेत्रा अजित पवार यांनी केले..रणजीत पवार आणि त्यांच्या पत्नी शुभांगी पवार यांनी मतदानाचा हक्क बजावला आहे. तर, सुप्रिया सुळे यांची कन्या रेवती सुळे यांनी सुद्धा मतदानाचा हक्क बजावला आहे..छत्रपती संभाजीनगर शहरात एप्रिल महिन्यात गंभीर गुन्ह्यांच्या घटनांमध्ये मोठी वाढ झालीय. त्यामुळे पोलीस प्रशासनाचा धाक उरलाय का, असा संतप्त सवाल आता नागरिकांकडून उपस्थित केला जात आहे. गेल्या २२ दिवसांत शहरात तब्बल ३० चाकू हल्ल्यांच्या घटना घडल्या आहेत, तर २ गोळीबाराच्या घटना घडल्या. याशिवाय जिल्ह्यात ४ खून, ५ विनयभंग आणि ९ सोनसाखळी चोरीच्या घटनांनी कायदा-सुव्यवस्थेवर प्रश्नचिन्ह निर्माण केले आहे. या वाढत्या गुन्हेगारीमुळे नागरिकांमध्ये भीतीचे वातावरण पसरले असून, रात्रीच्या वेळी बाहेर पडताना नागरिक अधिकच सावध झाले आहेत. विशेषतः महिलांच्या सुरक्षेचा मुद्दा ऐरणीवर आला आहे..Latest Marathi Live Updates 23 April 2026 : राज्याचे लक्ष लागून राहिलेल्या बारामती आणि अहिल्यानगर जिल्ह्यातील राहुरी या दोन महत्त्वाच्या मतदारसंघांमध्ये आज (23 एप्रिल) पोटनिवडणुकीसाठी मतदान होत आहे. या निवडणुकांकडे संपूर्ण राज्याचे लक्ष लागले आहे. बारामती मतदारसंघातील जागा राज्याचे उपमुख्यमंत्री दिवंगत अजित पवार यांच्या अपघाती निधनामुळे रिक्त झाली आहे. तर राहुरी विधानसभा मतदारसंघातील भाजपचे आमदार शिवाजी कर्डिले यांच्या निधनामुळे ती जागा रिक्त झाली आहे. या पार्श्वभूमीवर बारामतीत अजित पवार यांच्या पत्नी व राज्याच्या पहिल्या महिला उपमुख्यमंत्री सुनेत्रा पवार निवडणूक रिंगणात उतरल्या आहेत. तर राहुरीत शिवाजी कर्डिले यांचे पुत्र अक्षय कर्डिले यांच्यावर पक्षाने उमेदवारीची जबाबदारी सोपवली आहे. दोन्ही मतदारसंघांमध्ये आज मतदान प्रक्रिया पार पडत असून, निकालाकडे राज्यभरातून उत्सुकता लागून राहिली आहे. याशिवाय देश-राज्यातील इतर महत्त्वाच्या घडामोडी, वाहतूक कोंडी, राजकीय हालचाली, क्रीडा, मनोरंजन आणि मान्सूनविषयक अपडेट्स यांची सविस्तर माहिती एका क्लिकवर उपलब्ध आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Latest Marathi News Live Update : सुप्रिया सुळेंनी घेतली अजितदादांच्या आईची भेट

Baramati News सुप्रिया सुळेंनी घेतली अजितदादांच्या आईची भेट

Related Stories