HSC Result: बारावीचा निकाल उद्या लागणार, शिक्षणमंत्र्यांची माहिती | Sakal
sakal

बोलून बातमी शोधा

Hsc result

HSC Result: बारावीचा निकाल उद्या लागणार, शिक्षणमंत्र्यांची माहिती

बारावीचा निकाल उद्या दुपारी एक वाजता ऑनलाईन जाहिर केला जाणार आहे. शिक्षणमंत्री वर्षा गायकवाड यांनी ट्वीट करुन ही माहिती दिलीय. निकालाबद्दल सगळ्यांनाच उत्सुकता आहे.

बारावीच्या निकालाची विद्यार्थी आणि पालक आतुरतेने वाट पहात असतात. कोरोनानंतर बारावीच्या झालेल्या परिक्षांमुळे यंदाच्या निकालाची सगळेच उत्सुकतेने वाट पाहातायत. अखेर तारीख जाहीर झाली आहे. (Maharashtra state board will declare HSC result in this week)

महाराष्ट्र राज्य माध्यमिक आणि उच्च माध्यमिक शिक्षण मंडळाकडून घेण्यात आलेल्या बारावी परिक्षांचा निकाल विद्यार्थी खालील वेबसाईटवर पाहू शकतील.

mahresult.nic.in

mahahsscboard.in

hscresult.mkcl.org

कोविड पार्श्वभूमीवर बारावीची परिक्षा झाली होती. यंदाची परिक्षा ऑफलाईन घेण्यात आली होती. संभ्रमाची स्थितीही होती, पण विद्यार्थी-पालक -शिक्षकांनी बरचं सहकार्य केल्याने ही परिक्षा सुरळीत पार पडली. पेपर तपासणीचं कामही व्यवस्थितपणे पार पडल्याची माहीती राज्य शिक्षण बोर्डाचे अध्यक्ष शरद गोसावींनी सकाळ डिजिटलला दिलीय. तसंच यंदा परिक्षेदरम्यानचा गोंधळ टाळण्यासाठी आणि विद्यार्थ्यांच्या कोविड सुरक्षिततेचा विचार करुन शाळा तिथे केंद्र ही सुविधा लागू केली होती. यामुळे विद्यार्थ्यांना फायदा झाल्याचही गोसावी यांनी सांगितलं.

हेही वाचा: सलमान खानसाठी IPS नांगरे पाटील मैदानात, थेट गृहमंत्र्यांच्या भेटीला

कोरोना पार्श्वभूमीवर दहावी आणि बारावीच्या ऑफलाईन परिक्षांना सुरुवातीला विरोधही झाला होता. मात्र आता निकालाची तारिख जाहिर झाल्याने विद्यार्धी आणि पालकांची निकालाबाबतची उत्सुकता वाढलीय.

Web Title: Maharashtra State Educatiom Board Will Declare Result In This Week

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top