सकाळी 10 : युती सत्तेत, तर आघाडीचेही शतक | Election Results 2019

सकाळ वृत्तसेवा
Thursday, 24 October 2019

काँग्रेस आणि राष्ट्रवादी काँग्रेसमधील अनेक नेत्यांनी पक्षांतर करून सत्ताधारी भाजप आणि शिवसेनेत प्रवेश केल्याने यंदाची विधानसभा निवडणूक गाजली आहे. काही अपवाद वगळता यापैकी सर्व "आयारामां'ना सत्ताधारी पक्षांनी उमेदवारी दिली आहे, त्यामुळे या जागांच्या निकालाकडे लक्ष होते. 

मुंबई : राज्यात 288 विधानसभा मतदारसंघांच्या सार्वत्रिक निवडणुकीची मतमोजणी आज (गुरुवार) सकाळपासून सुरू झाली असून, सुरवातीच्या कलानुसार भाजप-शिवसेना महायुती सत्तेत गेल्याचे स्पष्ट दिसत आहे. तर, महाआघाडीने शतक पूर्ण केल्याचेही दिसत आहे. महायुतीने सुमारे 176 जागांवर आघाडी घेतली आहे. तर, महाआघाडी 100 जागांवर पुढे असल्याचे चित्र आहे. 

विजयाचा टिळा कुणाच्या माथी; विधानसभेची आज मतमोजणी | Election Results 2019

काँग्रेस आणि राष्ट्रवादी काँग्रेसमधील अनेक नेत्यांनी पक्षांतर करून सत्ताधारी भाजप आणि शिवसेनेत प्रवेश केल्याने यंदाची विधानसभा निवडणूक गाजली आहे. काही अपवाद वगळता यापैकी सर्व "आयारामां'ना सत्ताधारी पक्षांनी उमेदवारी दिली आहे, त्यामुळे या जागांच्या निकालाकडे लक्ष होते. 

पुण्यात जमावबंदी; कोल्हापूरात मिरवणूकांना बंदी | Election Results 2019

मुख्यमंत्री देवेंद्र फडणवीस, माजी मुख्यमंत्री पृथ्वीराज चव्हाण, अशोक चव्हाण, माजी उपमुख्यमंत्री अजित पवार, माजी मुख्यमंत्री सुशीलकुमार शिंदे यांच्या कन्या प्रणिती आणि नारायण राणे यांचे पुत्र नितेश यांच्यासह सत्ताधारी आणि विरोधी पक्षांतील माजी मंत्री नशीब अजमावत आहेत. 

भाजपचे प्रदेशाध्यक्ष चंद्रकांत पाटील यांनी पुण्यातील सुरक्षित कोथरूड मतदारसंघ निवडल्याने सुरवातीला त्यांच्या उमेदवारीला विरोध झाला होता, त्यामुळे या मतदारसंघाकडेही सर्वांचे लक्ष आहे. 

वंचित बहुजन आघाडीकडून लोकसभा निवडणूक लढविलेल्या गोपीचंद पडळकर यांना भाजपने बारामतीतून अजित पवार यांच्या विरोधात उतरविल्याने ही लढत महत्त्वपूर्ण ठरली आहे. 

बीड जिल्ह्यातील परळी मतदारसंघात धनंजय मुंडे आणि पंकजा मुंडे यांच्यातील लढत मराठवाड्यासह राज्यासाठी लक्षवेधी ठरली आहे. शिवसेनाप्रमुख बाळासाहेब ठाकरे यांचे नातू आदित्य हे पहिल्यांदाच निवडणुकीच्या रिंगणात उतरले असल्याने वरळी मतदारसंघाचा निकाल औत्सुक्‍याचा ठरणार आहे.


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: Maharashtra Vidhan Sabha 2019 election result Maharashtra trends early morning