Uddhav Thackeray : राजा तू चुकतोस... उद्धव ठाकरेंनी कुणाला दिली समज?

नागपूरः विधिमंडळाच्या हिवाळी अधिवेशनाचा आजचा दुसरा दिवस होता. या अधिवेशनासाठी ठाकरे गटाचे नेते उद्धव ठाकरे नागपूरमध्ये दाखल झाले होते. कामकाजानंतर उद्धव ठाकरे यांनी माध्यमांशी संवाद साधला.

एनआयटी भूखंड हस्तक्षेप प्रकरणी उद्धव ठाकरे म्हणाले की, हे प्रकरण न्यायप्रविष्ट असतांना सरकारचा त्यातील हस्तक्षेप चुकीचा आहे. त्यावर आम्ही आक्षेप घेतलेला असून उद्या विधानसभेतही याची चर्चा होणार असल्याचं ठाकरे म्हणाले.

आमदारांच्या निधाचा प्रश्न त्यांनी मांडला. काही आमदारांच्या निधीला कात्री लावली जात असून त्याबद्दल सरकारने आश्वान दिल्याचं उद्धव ठाकरेंनी सांगितलं. आमदारांच्या निधीमध्ये विषमता खपवून घेतली जाणार नाही, असा इशारा त्यांनी दिला.

हेही वाचा: असं एक गाव, जिथं जमिनीला कान लावला तरी संगीत ऐकू येतं...

पुढे बोलतांना उद्धव ठाकरे म्हणाले की, ज्या पद्धतीने या सरकारचं कामकाज सुरुय त्यावरुन राजा चुकतोय, असं दिसतंय. राजा तू चुकतोस हे सांगणं आमचं काम आहे, कारण याचे फटके जनतेला बसत असल्याचं उद्धव ठारके म्हणाले. मुख्यमंत्री एकनाथ शिंदे यांना उद्देशून ते बोलत होते.

यावेळी त्यांनी विविध मुद्द्यांवरुन राज्य सरकारवर प्रश्न उपस्थित केले. आठवडाभर चालणाऱ्या अधिवेशनात मध्ये-मध्ये येणार असल्याचे ठाकरे म्हणाले.