esakal | अखेर मनोहरमामाला बारामती पोलिसांनी साताऱ्यात पकडले
sakal

बोलून बातमी शोधा

अखेर मनोहरमामाला बारामती पोलिसांनी साताऱ्यात पकडले

अखेर मनोहरमामाला बारामती पोलिसांनी साताऱ्यात पकडले

sakal_logo
By
कल्याण पाचांगणे

माळेगाव : बारामतीसह (baramati) अनेक ठिकाणच्या गुन्ह्यांमध्ये आवश्यक असलेल्या मनोहर मामा भोसले याला बारामती पोलिसांसह पुणे ग्रामीण गुन्हे शोध पथकाचे अधिकाऱ्यांनी मोठ्या शिताफीने साताऱ्यात (satara) पकडले. भोसले वगळता अद्याप दोन आरोपींना पकडणे बाकी असल्याची माहिती बारामती तालुका पोलीस निरीक्षक महेश गवारी यांनी दिली.

बाळूमामा यांचा अवतार असल्याचा बनाव करीत एका व्यक्तीच्या गळ्यातील थायराईड- कॅन्सर बरा करतो, असे सांगून मनोर मामा या आरोपी सर तिघांनी संगणमत करीत रुग्णाच्या कुटुंबियांची दोन लाख ५१ हजार रुपये घेवून फसवणूक केली होती. हा फसवणूकीचा प्रकार मागिल तिन वर्षांपासून सुरू होता. त्या प्रकरणी शशिकांत सुभाष खरात ( वय 23, व्यवसाय मोबाइल दुरुस्ती दुकान,  रा. साठेनगर, कसबा बारामती) यांनी गुरुवार (ता. 9) रोजी तिघांविरुद्ध तालुका पोलिस ठाण्यात फिर्याद दिली होती.

हेही वाचा: IND vs ENG: शेवटची कसोटी रद्द झाल्यावर BCCI ची ECB ला नवी ऑफर

त्यानुसार आज पोलिसांनी निर्णायक भूमिका घेत मनोहर मामा भोसले (रा. उंदरगाव, ता. करमाळा, जिल्हा सोलापूर) , विशाल वाघमारे उर्फ नाथबाबा, ओमकार शिंदे यांच्याविरुद्ध विविध कलमान्वये गुन्हा दाखल केला होता. महाराष्ट्र नरबळी कायद्यासह इतर अमानुष अनिष्ठ व अघोरी प्रथा, जादूटोणा, औषध चमत्कारी उपाय करणे, फसवणूक करणे, जीवे मारण्याची धमकी देणे आदी कलमाच्या आधारे पोलिसांनी वरील संशयित आरोपी मनोहर मामा व त्याच्या साथीदारांविरुद्ध  कारवाई केली होती. दरम्यान, शशिकांत खरात यांनी फिर्यादीमध्ये वरील आरोपींविरुद्ध गंभीर तक्रार केल्याचे स्पष्ट झाले आहे.

"मागिल तीन वर्षापासून मनोहर भोसले याने मी बाळूमामा यांचा अवतार असल्याचे भासविले. तुझ्या वडिलांचा गळ्यातील थायराईड- कॅन्सर बरा करतो असे त्याने सांगितले. तसेच बाभळीचा पाला, साखर, भंडारा माझ्या आजारी वडीलांना खाण्यास दिला व विशाल वाघमारे उर्फ नाथबाबा, ओमकार  शिंदे (पुर्ण नाव पत्ता माहिती नाही) यांच्यासोबत संगणमत करून मनोहरमामा याने वेळोवेळी दोन लाख 51 हजार पाचशे रुपये घेतले. हे पैसे न दिल्यास माझ्या वडिलांना जीविताची भीती त्यांनी घातली. तसेच हे पैसे परत मागितल्यास मला जीवे मारण्याची धमकी दिली," अशी तक्रार खरात यांनी फिर्यादिमध्ये नमूद केले आहे. पोलिस निरिक्षक महेश ढवाण यांच्या मार्गदर्शनाखाली सहाय्यक पोलिस निरिक्षक राहुल घुगे वरिल प्रकरणाचा पुढील तपास करीत आहेत.

loading image
go to top