Latest Marathi News Live Update : शिवमोग्गा जिल्ह्यातील तीर्थहल्लीमध्ये घरावर दरड कोसळली, एकाच कुटुंबातील ३ जणांचा मृत्यू

शिवमोग्गा जिल्ह्यातील तीर्थहल्ली शहरात दरड कोसळण्याची घटना घडली. ही घटना शहरातील 'थम्माडी केरे'जवळील गांधी नगर भागात घडली. यात एकाच कुटुंबातील तिघांचा मल्लिकार्जुन (वय ३०), नागवेणी (वय २५) आणि त्यांचा ४ वर्षांचा मुलगा संतोषचा मृत्यू झाला. कुटुंब झोपेत असतानाच दरड त्यांच्या घरावर कोसळली. सध्या त्यांचे मृतदेह मातीच्या ढिगाऱ्याखाली अडकलेले आहेत. पोलीस आणि महसूल विभागाचे अधिकारी घटनास्थळी दाखल झाले आहेत.