कोल्हापूर : अंबाबाई मंदिर संवर्धनाबाबत भाविकांनी आरोप केले असून श्रीपूजक गजानन मुनिश्वर आणि शिवकुमार शिंदे यांनी दिवाणी न्यायालयात दावा दाखल केला आहे. यावर न्यायालयाने राज्य पुरातत्त्व विभाग, पश्चिम महाराष्ट्र देवस्थान समिती आणि जिल्हाधिकारी यांना कारणे दाखवा नोटीस बजावली आहे. सोमवारी (ता. ३) त्यांना म्हणणे मांडण्यास सांगितले आहे. करवीर निवासिनी श्री अंबाबाई मंदिर व परिसर पुनर्विकास आराखड्याअंतर्गत मंदिराच्या संवर्धनाचे काम सुरू आहे. राज्य पुरातत्त्व विभागाचे सहायक संचालक यांच्या मार्गदर्शनाखाली खासगी कंपनीला हे काम करण्यासाठी नेमले आहे.
