मुंबईकरांना दिलासा! सहा हजारांनी रूग्णसंख्या घटली | Covid 19 | Sakal
sakal

बोलून बातमी शोधा

Corona and Omicron

मुंबईकरांना दिलासा! सहा हजारांनी रूग्णसंख्या घटली

मुंबई - गेल्या काही दिवसांपासून 20 हजारांच्या घरात नोंद करण्यात येणाऱ्या मुंबईतील रूग्णसंख्येला सोमवारी काहीसा ब्रेक लागला आहे. गेल्या 24 तासात मुंबईत 13 हजार 648 कोरोनाबाधितांची नोंद करण्यात आली आहे. तर, 5 जणांचा मृत्यू झाला आहे. दरम्यान, दररोज 20 हजार रूग्णांच्या नोंदीनंतर आज 13 हजार 648 सापडल्याने नागरिकांसह प्रशासनाला काहीसा दिलासा मिळाला आहे.

मुंबईचा रिकव्हरी रेट 87 टक्के इतका नोंदविण्यात आला असून, कोरोनामुळे मृत्यू पावलेल्यांची संख्या 16 हजार 411 इतकी झाली आहे. सध्या मुंबईत 1 लाख 3 हजार 862 सक्रीय रुग्ण आहेत. मुंबईत सोमवारी 27 हजार 214 रुग्णांनी कोरोनावर मात केली आहे, अशी माहिती आरोग्य मंत्रालयाने दिली आहे.

हेही वाचा: जोखीम असल्याशिवाय कोरोना टेस्टची गरज नाही : केंद्र

राज्यात आज २९,६७१ रुग्ण बरे होऊन घरी गेले आहेत तर राज्यात आजपर्यत एकूण ६६,०२,१०३ करोना बाधित रुग्ण बरे झाले आहेत. सध्या राज्यातील रुग्ण बरे होण्याचे प्रमाण (Recovery Rate) ९४.९५% एवढे झाले आहे. आज राज्यात ३३,४७० नवीन रुग्ण आढळले आहेत. राज्यात आज ८ करोना बाधित रुग्णांचा मृत्यू झाला आहे. सध्या राज्यातील मृत्यूदर २.०३% एवढा आहे.

हेही वाचा: भारतात मुस्लिमांना भाजपकडून टार्गेट केलं जातंय - इम्रान खान

आजपर्यंत तपासण्यात आलेल्या ७,०७,१८,९११ प्रयोगशाळा नमुन्यांपैकी ६९,५३,५१४ (९.८३ टक्के) नमुने पॉझिटीव्ह आले आहेत. सध्या राज्यात १२,४६,७२९ व्यक्ती होमक्वारंटाईन मध्ये आहेत तर २५०५ व्यक्ती संस्थात्मक क्वारंटाईनमध्ये आहेत. राज्यात आज ३१ कोरोनाबाधित नवे रुग्ण सापडले आहेत. यामध्ये, पुणे - 28, पुणे ग्रामीण - 2, पिपरी चिंचवडमध्ये एका रूग्णाची नोंद करण्यात आली आहे. आजपर्यंत राज्यात एकूण १२४७ ओमिक्रॉनबाधित रुग्ण सापडले आहेत.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top