पंधरा दिवसापूर्वी नावे देऊनही राज्यपालांच्या सह्या नाहीत; तीनही पक्षात नाराजी

मुंबई : राज्यपालांच्या वर्तनावरून महाविकासआघाडीच्या नेत्यांमध्ये नाराजी आहे. शिवसेना काँग्रेस आणि राष्ट्रवादी अशा तीनही पक्षात नाराजी असल्याचे बोलले जात आहे. राज्यपाल नियुक्त दोन आमदारांचे नाव देऊनही गेले पंधरा दिवस होऊन त्यावर राज्यपालांनी सही केली नाही. मध्यरात्री उठून पहाटे शपथविधी करण्यात राज्यपाल जितकी तत्परता दाखवतात तितकी तत्परता कामात का दाखवत नाहीत? असा सवालही महाविकासआघाडीच्या नेत्यांकडून केला जात आहे.

ताज्या बातम्यांसाठी डाऊनलोड करा ई-सकाळचे ऍप

आज (ता.३०) शपथविधीच्यावेळीदेखिल राज्यपालांचे वागणे चमत्कारिक वाटले, त्यामुळे महाविकासआघाडीच्या वर्तुळात चर्चा सुरु आहेत. राज्यपालांच्या वागण्यांवर एकूणच नाराजी दिसत आहे. 

शरद पवारांचे धक्कातंत्र; 'या' विश्वासू नेत्याला दिले गृहमंत्री पद?

के. सी. पाडवी यांना परत शपथ घेण्यास राज्यपालांनी सांगितलं होतं, त्याचबरोबर जेवढं आहे तेवढंच वाचा अस सांगत राज्यपाल संतापलेही होते. शपथ घेताना के सी पाडवी यांनी मानवतावाद, निसर्ग आणि मतदारांबाबत त्यांनी उल्लेख केला म्हणून राज्यपाल संतापले होते. यावेली राष्ट्रवादीचे नेते शरद पवार आणि काँग्रेस नेते मल्लिकार्जुन खर्गे समोर बसले असल्याचेही राज्यपालांनी सांगितले होते.

उपमुख्यमंत्रिपदाची शपथ घेतल्यानंतर अजित पवार म्हणतात, 'गांभीर्यपूर्वक...

तत्पूर्वी, राज्यातील महाविकासआघाडी सरकारमधील मंत्रिमंडळाचा विस्तार झाला असून, उपमुख्यमंत्री म्हणून राष्ट्रवादीचे नेते अजित पवार यांनी शपथ घेतली. यावेळी 25 कॅबिनेट आणि 10 राज्यमंत्र्यांनीही शपथ घेतली. राजभवनात झालेल्या भव्य कार्यक्रमात राज्यपाल भगतसिंह कोशियारी यांनी सर्व मंत्र्यांना शपथ दिली. राज्यातील मुख्यमंत्री उद्धव ठाकरे यांच्या नेतृत्वाखालील महाविकासआघाडी सरकारचा आज पहिला मंत्रिमंडळ विस्तार झाला. या विस्तारात शिवसेनेचे 13, राष्ट्रवादीचे 13 आणि काँग्रेसचे 10 आमदारांनी मंत्रिपदाची शपथ घेतली. अजित पवार हे उपमुख्यमंत्रीपदाची शपथ घेणार यावर आज सकाळी शिक्कामोर्तब झाले. या कार्यक्रमाला शपथ घेतलेले मंत्री आपल्या कुटुंबीयांसह हजर होते.