वानखेडेंच्या अडचणीत वाढ; चौकशीसाठी NCBचं पथक उद्या येणार मुंबईत

NCB चे झोनल डायरेक्टर समीर वानखेडे यांच्या अडचणीत वाढ झाल्याचं दिसतं आहे. NCB ची तीन सदस्यीय टीम उद्या दिल्लीहून मुंबईकडे रवाना होणार आहे. समीर वानखेडे यांच्यावर झालेल्या भ्रष्टाचाराच्या आरोपांची चौकशी करण्यासाठी येणाऱ्या या पथकामध्ये डीडीजी एनसीबी ज्ञानेश्वर सिंह आणि दोन निरीक्षक स्तरावरील अधिकारी असतील अशी माहिती एनसीबीच्या सूत्रांनी दिली आहे.

क्रूझ ड्रग पार्टी प्रकरणात त्यांनी केलेल्या कारवाईनंतर एनसीबी आणि अधिकारी समीर वानखेडे यांच्यावर अल्पसंख्यांक मंत्री नवाब मलिक यांनी गंभीर आरोप केले आहे. या प्रकरणातील पंच असणाऱ्या के.पी. गोसावी यांच्यावरून देखील वानखेडेंवर गंभीर आरोप करण्यात आले होते. त्यातच गोसावी यांचा सहकारी प्रभाकर साईलने देखील त्यांच्यावर खंडणीचे आरोप केले आहे.