Maharashtra Politics | आमच्याकडे ड्रायव्हरची जागा रिकामी; निलेश राणेंची केसरकरांना ऑफर | Sakal
sakal

बोलून बातमी शोधा

deepak kesarkar nilesh rane
आमच्याकडे ड्रायव्हरची जागा रिकामी; निलेश राणेंची केसरकरांना ऑफर

आमच्याकडे ड्रायव्हरची जागा रिकामी; निलेश राणेंची केसरकरांना ऑफर

राणे पितापुत्र आणि दीपक केसरकर यांचा आधीपासूनच ३६ चा आकडा आहे. अनेकदा यापूर्वीही त्यांच्यात खटके उडाले आहेत. सुशांतसिंग राजपूत आत्महत्या प्रकरणात आदित्य ठाकरे यांची बाजू घेतल्याने या वादाला आणखी हवा मिळाली आहे. त्यातच आता निलेश राणेंनी एक ट्वीटही केलं आहे.

हेही वाचा: दीपक केसरकरांना आवरा, राणे समर्थकांची फडणवीसांकडे मागणी

शिंदे गटाचे प्रवक्ते दीपक केसरकर यांच्याविषयी निलेश राणेंनी हे ट्वीट केलंय. निलेश राणे म्हणतात, दीपक केसरकर म्हणतो मी राणेंबरोबर काम करायला तयार आहे. नोकरी मागायची आहे, तर नीट मागा. १ तारखेपासून आमच्याकडे ड्रायव्हरची जागा रिकामी आहे. आता त्यांच्या या खोचक ऑफरवर दीपक केसरकर काय प्रतिक्रिया देतायत हे पाहण्यासारखं आहे.

काय म्हणाले होते दीपक केसरकर?

सुशांतसिंग राजपूत आत्महत्या प्रकरणात आदित्य ठाकरेंना बदनाम करण्यासाठी राणेंनी प्रयत्न केले, असा खळबळजनक आरोप दीपक केसरकर यांनी केला होता. त्यानंतर दीपक केसरकर यांना चांगलीच तंबी दिल्याचं समजत आहे. शिंदे गट आणि भाजपाच्या रोषाचा सामना यानिमित्ताने दीपक केसरकरांना करावा लागत असल्याचं दिसतंय. त्यांचं प्रवक्तेपदही आता किरण पावसकर यांच्याकडे जाण्याची शक्यता आहे.

Web Title: Nilesh Rane Nitesh Rane Narayan Rane Deepak Kesarkar Konkan Maharashtra Politics

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..