प्रवीण दरेकर देवेंद्र फडणवीसांच्या भेटीला, राजकीय चर्चेला उधाण

मुंबई : राज्यातील राजकीय पेच सुटण्यास वेळ लागणार आहे. कारण शिवसेना आणि एकनाथ शिंदे गटाने सर्वोच्च न्यायालयात धाव घेतली आहे. त्यामुळे राजकीय घडामोडींना वेग आला असल्याचे दिसत आहे. शुक्रवारी मध्यरात्री एकनाथ शिंदे हे गुवाहाटीहून विमानाने बडोद्याला गेले होते. येथे त्यांनी भारतीय जनता पक्षाचे नेते देवेंद्र फडणवीस (Devendra Fadnavis) यांची भेट घेतली. (Pravin Darekar Meet Devendra Fadnavis At His Residence In Mumbai)

या वेळी केंद्रीय गृहमंत्री अमित शहा देखील बडोद्यातच होते. महाराष्ट्रातील महाविकास आघाडी सरकार पाडण्याबाबत चर्चा झाल्याचे बोलले जात आहे. यातच विधान परिषदेतील विरोधी पक्षनेते प्रवीण दरेकर यांनी देवेंद्र फडणवीस यांची त्यांच्या निवासस्थानी जाऊन भेट घेतली आहे. (Maharashtra Politics)

या भेटीत राज्यातील राजकीय घडामोडींवर चर्चा झाल्याची शक्यता आहे. प्रवीण दरेकर (Pravin Darekar) यांनी माध्यमांना भेटीबाबत प्रतिक्रिया दिलेली नाही.