राणा दाम्पत्य पोलीस स्टेशनमध्ये, भाजपची पहिली प्रतिक्रिया

राणा दाम्पत्यांची आजची रात्र पोलीस स्टेशनमध्येच जाणार आहे.
Pravin Darekar
Pravin Darekar sakal media

मुंबई : सकाळापासून मुंबईत सुरु असलेल्या शिवसेना विरुद्ध राणा दाम्पत्याचा हाय व्होलटेज ड्राम्यानंतर अखेर कडक पोलीस बंदोबस्तात राणा दाम्पत्यांना बाहेर काढले असून, या दोघांनाही खार येथील पोलीस ठाण्यात नेण्यात आले असून, या दोघांना खार पोलिसांनी ताब्यात घेतले आहे. (BJP Leaders Reaction On Navneet Rana)

Pravin Darekar
Navneet Rana | नवनीत राणांचा भाजप-सेनेवर 'असा' हल्लाबोल ! पाहा व्हिडिओ

या सर्व घडामोडींनंतर भाजप नेत्यांकडून प्रतिक्रिया व्यक्त करण्यात आल्या आहेत. दरम्यान, पोलिसांच्या या भूमिकेनंतर भाजप नेते प्रवीण दरेकर म्हणाले की, राज्यात जुलमी राजवटीप्रमाणे मविआचं काम सुरू आहे. राणांवरील कारवाईचा निषेध करतो. सुधीर मुनगंटीवार म्हणाले की, पोलिसांच्या मदतीने राज्यात गुंडाराज सुरू असून, कायदा सुव्यस्था कशी राखता येईल हे पाहण्याऐवजी सत्तेच्या माध्यमातून हा आतंकवाद पसरवण्याचा प्रकार सुरू असल्याचे म्हटले आहे.

Pravin Darekar
राज्यात का वाजत आहेत 'भोंगे'? राजू शेट्टींनी सांगितलं कारण

राज्यात सध्या हनुमान चालिसा आणि भोंग्यांच्या प्रकरणावरून वातावरण तापलं आहे. यातच अमरावतीच्या खासदार नवनीत राणा आणि आमदार रवी राणा हे मातोश्री समोर हनुमान चालिसा पठणावर ठाम होते. (Navneet Rana Vs. Shivsena) त्यांच्या या निर्णयामुळे शिवसैनिक आक्रमक झाले आहेत. रात्रभर शिवसैनिकांनी मातोश्रीसमोर पहारा दिला. नवनीत राणा आणि रवी राणा हनुमान चालिसा पठण करण्यासाठी आल्यास त्यांना धडा शिकवणार असल्याचा पवित्रा शिवसैनिकांनी घेतला होता. (Navneet Rana News)

दरम्यान, उद्या पंतप्रधान नरेंद्र मोदी मुंबई दौऱ्यावर येणार असल्याचे कारम देत राणा दाम्पत्याने आंदोलनातून माघार घेण्याचे जाहीर केले. मोदींचा उद्या मुंबईत दौरा असल्याने कायदा आणि सुव्यवस्थेला अडथळा नको, यासाठी आम्ही आंदोलन मागे घेत असल्याचं नवनीत राणा यांनी सांगितलं. पंतप्रधानांच्या सुरक्षिततेचा प्रश्न उद्धभवू शकतो. त्यामुळे आम्ही अमरावतीला माघारी जाणार असल्याचं त्यांनी सांगितलं.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com