नव्या राष्ट्रीय शैक्षणिक धोरणानुसार त्रिभाषा धोरण स्वीकारण्यात आलंय. यामध्ये महाराष्ट्रात पहिलीपासून हिंदी ही तिसरी भाषा म्हणून लागू करण्यात आलीय. याला विरोध केला जात असून हिंदीची सक्ती करू नये अशी मागणी केली जातेय. या विरोधात विरोधी पक्षांकडून सरकारवर जोरदार टीका केली जात आहेत. विरोधक आक्रमक झाले आहेत. शिवसेना उद्धव बाळासाहेब ठाकरे पक्षाकडून आंदोलन करण्यात येणार आहे. तर मनसे अध्यक्ष राज ठाकरे यांनीही मोर्चाचं आयोजन केलं असून यात सहभागी होण्याचं आवाहन केलंय.