कोल्हापुरात राजेश क्षीरसागरांचं पोस्टर फाडलं; रवी इंगवलेंसह 10 जणांवर गुन्हा

Rajesh Kshirsagar
Rajesh Kshirsagaresakal
Summary

राज्यात शिवसेनेत वाद उफाळून आला असतानाच कोल्हापुरातही दोन माजी शहरप्रमुखामध्येही वादाला उकळी फुटलीय.

Maharashtra Political Crisis : राज्यात शिवसेनेत (Shiv Sena) वाद उफाळून आला असतानाच कोल्हापुरातही दोन माजी शहरप्रमुखामध्येही वादाला उकळी फुटलीय. राज्य नियोजन मंडळाचे कार्यकारी अध्यक्ष राजेश क्षीरसागर (Rajesh Kshirsagar) व माजी शहरप्रमुख रविकिरण इंगवले (Ravikiran Ingawale) यांच्यातील या वादात दोघांनीही एकमेकांना बघून घेण्याची धमकी दिल्यानं वाद टोकाला पोहोचलाय. क्षीरसागर यांचं पोस्टर फाडल्यानंतर त्यांच्या निवासस्थानी आता पोलिस बंदोबस्त वाढविण्यात आलाय.

दरम्यान, राज्य नियोजन मंडळाचे अध्यक्ष राजेश क्षीरसागर यांचं पोस्टर फाडल्याप्रकरणी शिवसेनेच्या माजी शहर प्रमुख रविकिरण इंगवले यांच्यासह १० जणांवर गुन्हा दाखल करण्यात आलाय. राजेंद्र जाधव, गुप्तजित उर्फ गुप्ता मोहिते, शैलेश हिरासकर, राकेश माने यांच्यासह अन्य ४ ते ५ जणांवर गुन्हा दाखल करण्यात आलाय. याबाबतची फिर्याद रणजित नारायण जाधव (वय ४९ रा. शिवाजी पेठ) यांनी जुना राजवाडा पोलीस ठाण्यात (Rajwada Police Station) दिलीय.

Rajesh Kshirsagar
तुमचे मंत्री परराज्यात गेलेत, परत येण्याची चिन्ह दिसत नाहीत; असं का म्हणाले पाटील?

शिवेसेनेचे नेते एकनाथ शिंदे (Eknath Shinde) यांच्या बंडात सहभागी होत क्षीरसागर यांनी गुवाहाटी गाठलं. पण, याच दरम्यान इंगवले आणि त्यांच्यातील वादाला तोंड फुटले आहे. गेले महिनाभर त्यांच्यात वाद सुरू होता. मात्र, आता या वादाने टोक गाठले आहे. शुक्रवारी मुख्यमंत्री उद्धव ठाकरे यांच्या समर्थनार्थ शिवसेनेने रॅली काढली. या रॅलीत इंगवले यांनी क्षीरसागर यांच्यावर जोरदार टीका केली. शनिवारी सकाळी शिवाजी पेठ येथील सेनेच्या विभागीय कार्यालयावर लावलेले त्यांचे पोस्टर इंगवले यांनी फाडून टाकलं होतं. याशिवाय क्षीरसागर यांच्यावर अनेक आरोप केले होते. इंगवले यांच्या आरोपानंतर क्षीरसागर यांनीही जोरदार प्रत्त्युत्तर देताना बघून घेण्याची धमकी दिली होती.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com