Rajyasabha Election 2022: राऊत ब्रह्मदेव आहेत का?; 'गद्दारी'च्या आरोपानंतर देवेंद्र भुयार भडकले | Sakal
sakal

बोलून बातमी शोधा

 MLA Devendra Bhuyars

राऊत ब्रह्मदेव आहेत का?; 'गद्दारी'च्या आरोपानंतर देवेंद्र भुयार भडकले

राज्यसभा निवडणुकीत काल भाजपाने दणदणीत विजय मिळवत यश संपादन केलं. तर शिवसेनेचे उमेदवार संजय पवार यांना पराभवाची चव चाखावी लागली. संजय राऊतही थोडक्यात पराभवापासून बचावले. त्यानंतर त्यांनी काही अपक्षांनी गद्दारी केल्याचा आरोप केला. अशा आमदारांची नावंही त्यांनी जाहीर केली. देवेंद्र भुयार यांचंही नाव त्यात होतं. भुयार यांनी हे आरोप फेटाळून लावले आहेत.

राऊतांच्या गद्दारीच्या आरोपानंतर देवेंद्र भुयार यांनी संतप्त प्रतिक्रिया दिली आहे. माध्यमांशी बोलताना ते म्हणाले, "संजय राऊत हे काय ब्रह्मदेव आहेत का? हे आता ब्रह्मदेवापेक्षाही मोठे आहेत, असं वाटू लागलंय. मतदान गोपनीय असतं, मी मत दिलं नाही, हे यांना कसं माहित? मी कुठलाही दगाफटका केलेला नाही. माझी मुख्यमंत्र्यांवर नाराजी आहे, पण माझी वैयक्तिक नाराजी नाही. माझ्या मतदारसंघातले काही प्रश्न आहेत. त्या प्रश्नांसाठी वेळ दिला नाही, त्यावरून माझी नाराजी नाही. माझी मुख्यमंत्र्यांबद्दलची नाराजी मी उघडपणे व्यक्त केली. उद्धव ठाकरेंसमोर नाराजी मांडायची नाही तर काय दाऊदसमोर मांडायची का?"

हेही वाचा: Rajyasabha Election Result Live: संजय राऊतांनी सांगितली 'गद्दारां'ची नावं

राज्यसभेच्या सहा जागांसाठी महाराष्ट्रातून सात उमेदवार लढतीत होते. भाजपा, राष्ट्रवादी आणि काँग्रेसचे सर्व उमेदवार निवडून आले. मात्र शिवसेनेचे संजय पवार पराभूत झाले, तर अवघ्या काही मतांनी संजय पवार थोडक्यात निवडून आले आहेत. भाजपाचे उमेदवार धनंजय महाडिक यांना ४१ मतं मिळाली तर राऊतांना ४१.५. मात्र संजय पवारांना ३९ मतांवर समाधान मानत पराभवाचा सामना करावा लागला. यानंतर काही अपक्षांनी गद्दारी करत शिवसेनेला मतदान न केल्याची टीका संजय राऊतांनी केली.

राऊतांनी गद्दार आमदारांची नावंही वाचून दाखवली. त्यामध्ये त्यांनी संजयमामा शिंदे, श्यामसुंदर शिंदे आणि देवेंद्र भुयार, तसंच बहुजन विकास आघाडीचे हिंतेंद्र ठाकूर यांची नावं घेतली आहेत.

Web Title: Rajyasabha Election Result 2022 Shivsena Sanjay Raut Devendra Bhuyar

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Sanjay Raut
go to top