रामराजेंनी शिवसेनाप्रवेशावर केले वक्तव्य, म्हणाले...(व्हिडिओ)

पुणे : आज मी तरी राष्ट्रवादी काँग्रेसमध्येच आहे. उद्या काय होईल उद्याच उद्या पाहू, अशा शब्दांत विधान परिषदेचे सभापती रामराजे नाईक निंबाळकर यांनी शिवसेनाप्रवेशाच्या शक्यतांना पूर्णविराम दिला. तसेच या वयात शरद पवारांची साथ सोडावी, असे वाटत नाही, असेही ते म्हणाले.

राष्ट्रवादी काँग्रेसचे साताऱ्याचे खासदार उदयनराजे भोसले यांनी राष्ट्रवादीला रामराम ठोकत भाजपमध्ये प्रवेश करण्याचा निर्णय घेतला. तसेच यापूर्वीपासूनच रामराजे नाईक-निंबाळकर हेदेखील राष्ट्रवादी काँग्रेस सोडून शिवसेनेत प्रवेश करणार असल्याच्या चर्चा सुरु होत्या.

त्यानंतर यावर बोलताना रामराजे म्हणाले, मी आज राष्ट्रवादीतच आहे. उद्याचे उद्या पाहू. या वयात शरद पवारांची साथ सोडावी असे वाटत नाही. मी कार्यकर्ता मेळावा बोलावला आहे तो पक्षातून बाहेर पडण्यासाठी नाही तर कार्यकर्त्यांची मते जाणून घेण्यासाठी बोलवला आहे. कार्यकर्ते कदाचित असाही निर्णय घेऊ शकतात की आपण आहोत तिथेच राहू.

"भाजपप्रवेशापूर्वीच उदयनराजेंच्या ट्विटमध्ये झळकले मोदी-शहा

स्वार्थासाठी निर्णय नाही

अपक्ष लढण्याबाबत कार्यकर्तेच ठरवू शकतात की आपण अपक्ष लढू. स्वार्थासाठी कोणताही निर्णय घेणार नाही. मात्र, कार्यकर्ते ठरवतील त्या दिशेने जाणार आहे.