Sambhajiraje Latest News : आगामी लोकसभा निवडणुकीसाठी जागावाटपासाठी सर्वच पक्षांमध्ये रस्सीखेच पाहायला मिळत आहे. यादरम्यान कोल्हापूर मतदारसंघाच्या जागेवरून महाविकास आघाडीत अजून चर्चा सुरू आहेत. यादरम्यान संभाजीराजेंना मविआमधील तीन मुख्य घटकपक्षांपैकी एका पक्षात प्रवेश केल्यास लोकसभेची उमेदवारी देण्यात येणार असल्याची माहिती समोर आली होती. दरम्यान आता खुद्द संभाजीराजेंनी या ऑफरवर त्यांची भूमिका स्पष्ट केली आहे.
संभाजीराजे महाविकास आघाडीतील उद्धव ठाकरे यांची शिवेसना, राष्ट्रवादीचा शरद पवार गट किंवा काँग्रेस या पक्षांपैकी एकात सामील होऊन लढले तरच त्यांना उमेदवारी देण्यात येईल, अशी भूमिका घेतली आहे. महाविकास आघाडीतील तिन्ही पक्षांच्या नेत्यांमध्ये याबद्दल एकमत झाल्याची माहिती साम टीव्हीच्या सूत्रांनी दिली होती.
राज्यसभेचे माजी खासदार संभाजीराजे छत्रपती यांना महाविकास आघाडीच्या तीन प्रमुख घटक पक्षांपैकी एका पक्षात प्रवेश केल्यास उमेदवारी देण्यात येणार. या चर्चेदरम्यान संभाजीराजे यांनी सोशल मीडिया प्लॅटफॉर्म एक्सवर पोस्ट करत त्यांची भूमिका मांडली आहे. "स्वराज्य पक्ष असताना इतर कोणत्याही पक्षात प्रवेश करण्याचा प्रश्नच येत नाही. राज्यातील जनतेच्या विश्वासावर महाराष्ट्राच्या सुसंस्कृत राजकारणाचे भविष्य हे स्वराज्य असेल या ध्येयाने माझी व स्वराज्य पक्ष संघटनेची वाटचाल सुरूच राहणार आहे." असे संभाजीराजे म्हणाले आहेत.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.