मुंबई : शिवसेनेचे खासदार व दुसऱ्या क्रमांकाचे नेते संजय राऊत (Sanjay Raut) यांना ईडीने पत्राचाळ घोटाळ्याप्रकरणी अटक केली आहे. त्यांना सोमवारी न्यायालयात हजर केले असता गुरुवारपर्यंत (ता. ४) ईडी कोठडी सुनावण्यात आली आहे. राऊतांना अटक झाल्याने विरोधकांकडून अनेक आरोप केले जात आहे. दुसरीकडे हिंदुहृदय सम्राट बाळासाहेब ठाकरे (Balasaheb Thackeray) यांच्या वाहनाच्या चालकाने (Driver) पेढे वाटले आहे. (Sanjay Raut Latest News)
मागील काही दिवसांपासून महाराष्ट्राच्या राजकारण मुख्यमंत्री एकनाथ शिंदे, उपमुख्यमंत्री देवेंद्र फडणवीस यांच्यासोबत खासदार संजय राऊत यांचे नाव सतत चर्चेत आहे. शिंदे गटाने बंड केल्यानंतर राऊतांवर (Sanjay Raut) आरोप वाढले आहे. शिवसेना संपवण्यात संजय राऊत यांचा हात आहे. संजय राऊत यांच्यामुळेच आम्ही बंड केल्याचे अनेक आमदारांनी म्हटले आहे.
हे सर्व आरोप-प्रत्यारोप होत असताना संजय राऊत यांच्या घरी ईडीने (ED Action) रविवारी धाड टाकली. त्यांची तब्बल साडेनऊ तास चौकशी केली. यानंतर रात्री उशिरा त्यांना अटक केली. सोमवारी न्यायालयात हजर केले असता ४ ऑगस्टपर्यंत ईडी कोठडी सुनावण्यात आली. यामुळे सत्ताधारी आनंदी तर विरोधक आक्रमक झाल्याचे पाहायला मिळत आहे.
हे सर्व सुरू असताना बाळासाहेब ठाकरे यांच्या चालकाने (Driver) दिल्लीत जाऊन खासदार श्रीकांत शिंदे यांची भेट घेतली आणि पेढे वाटले. बाळासाहेबांचा हा चालक धुळे जिल्ह्यातील शिरपूर येथून दिल्लीला गेला आणि पेढे वाटले. संजय राऊत जेलमध्ये गेल्याचा आनंद झाल्याचे त्याने म्हटले. संजय राऊत यांनी शिवसेना संपवली. राऊतांनी चुकीचे काम केले, असेही त्याने सांगितले. १९९३ ते २००० पर्यंत तो बाळासाहेब ठाकरे (Balasaheb Thackeray) यांच्या वाहनाचा चालक होता.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.