अमित शहांचा मुलगा केळं विकतो का? संजय राऊतांचा सोमय्यांना सवाल

संजय राऊत यांच्या कुटुंबीयांच्या वाईनरी कंपन्यांशी संंबंध असल्याचा आरोप किरीट सोमय्यांनी केला होता.
Sanjay Raut - Kirit Somaiya
Sanjay Raut - Kirit SomaiyaTeam eSakal

राज्य सरकारने किराणा दुकानात वाईन विक्रीचा (Wine in Supermarkets) निर्णय घेतल्यानंतर विरोधकांकडून त्यांच्यावर जोरदार टीका केली जातेय. भाजपनेते (BJP) किरीट सोमय्यांकडून (Kirit Somaiya) देखील गंभीर आरोप करण्यात आले. संजय राऊत (Sanjay Raut) यांनी मागच्या काळात काही वाईनरी चालकांशी पार्टनरशीप केल्याचा आरोप करत सरकारने हा निर्णय घेण्यामागे काही लोकांचा फायदा असल्याचा आरोप सोमय्यांनी केला आहे. त्यावर संजय राऊत यांनी यावर प्रतिक्रिया देताना जोरदार टीका केली आहे. एखाद्या कुटुंबाती व्यक्ती एखादा व्यवसाय करत असेल तर तो गुन्हा आहे का? असा सवाल संजय राऊत यांनी केला.

Sanjay Raut - Kirit Somaiya
निवडणूक लढवण्यासाठी बायको पाहिजे, औरंगाबादेत बॅनरची चर्चा

राऊत कुटुंबियांचे वाईन उद्योजकांसोबत करार झाल्याचा दावा सोमय्या यांनी केला. याबाबतची काही कागदपत्रेही त्यांनी पत्रकार परिषदेत दाखवली. त्यावर संजय राऊत यांनी जोरदार उत्तर दिलं. सोमय्यांनी जे नाव सांगितलं ते वाईनरी कंपनीत संचालक आहेत. संचालक असणं गुन्हा आहे का? भाजपच्या नेत्यांची मुलं केळी विकतात का? किरीट सोमय्यांचा मुलगा चने शेंगदाणे विकतो का? अमित शहांचा मुलगा केळी विकतो की ढोकळा विकतो? देवेंद्र फडणवीस यांची मुलं रोडवर स्टॉव टाकणार की डान्सबार टाकणार अशी तिखट शब्दांत संजय राऊत यांनी टीका केली. भाजप नेत्यांवर टीका करताना ते म्हणाले की, भाजच्या लोकांंनी जे आरोप केलेत, ते जर खरे असतील तर त्या त्यांच्या नावावर करायला तयार आहोत असंही ते म्हणाले. भाजपच्या लोकांनी अशा प्रकरारचं घाणेरडं राजकारण सुरू केलंय. हे त्यांच्यावर उलटणार, तुम्ही आमच्या कुटुंबापर्यंत आलेत, मात्र तुमच्या सारखी आमची मुलं ड्रग्ज विकत नाहीत. भाजपच्या किती लोकांच्या वाईनरी आहेत ते पाहा. तसंच वाईन विक्रीच्या निर्णयामुळे शेतकऱ्यांचा फायदा होणार असल्याचं ते म्हणाले.

Sanjay Raut - Kirit Somaiya
Political : राऊत, परबांविरुद्ध चंद्रकांत पाटील याचिका दाखल करणार

संजय राऊत यांच्या कुटुंबाने वाईन उद्योगातील मोठ्या व्यक्तीशी पार्टनरशिप सुरु केली असल्याचा आरोप सोमय्या यांनी केला होता. त्यांचा उद्योग फक्त पैसे गोळा करणं हाच आहे. महाराष्ट्राला तुम्ही मद्यराष्ट्र केलंत. वाईन व्यावसायिक अशोक गर्ग यांच्याशी पार्टनरशिप कधी केली? त्यांची जॉइंट पार्टनरशिप, कन्या आणि पत्नी किती व्यवसायात आहेत असा प्रश्नही सोमय्या यांनी उपस्थित केला होता.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com