‘ये दिन भी निकल जायंगे..’ संजय राऊतांचे ट्विट

मुंबई : तीन ते साडेतीन तास चाललेल्या सुनावणीनंतर सुप्रीम कोर्टाने शुक्रवारी (ता. ३०) बहुमत चाचणीस परवानगी दिली. यानंतर मुख्यमंत्री उद्धव ठाकरे यांनी नागरिकांशी संवाद साधत मुख्यमंत्रिपदाचा राजीनामा दिला. यानंतर शिवसेनेचे खासदार संजय राऊत (Sanjay Raut) यांनी ट्विट करून

‘न्याय देवता का सन्मान होगा!

फायर टेस्ट fire test

अग्निपरीक्षा की घडी हैं.

ये दीन भी निकल जायंगे..

जय महाराष्ट्र!’ असे ट्विट केले.

(Sanjay Rauts tweet after Uddhav Thackerays resignation)

मंत्रिमंडळाची बैठक पार पडल्यानंतर उद्धव ठाकरे राजीनामा देतील अशी चर्चा होती. मात्र, याबाबत कोणीही काही बोलत नव्हते. मात्र, सुप्रीम कोर्टाने शुक्रवारी बहुमत चाचणी होणार असल्याचे सांगितले. यानंतर उद्धव ठाकरे नागरिकांशी संवाद साधणार असल्याचे समजले. आता ते राजीनामा देतील का, असा प्रश्न प्रत्येकाच्या मनात उपस्थित होत होता. सर्व प्रश्नांना त्यांनी पूर्णविराम लावत राजीनामा देत असल्याचे सांगितले.

उद्धव ठाकरे यांनी राजीनामा दिल्याचे सांगताच खासदार संजय राऊत (Sanjay Raut) यांनी ट्विट केले. ‘न्याय देवताचा सन्मान होणार! फायर टेस्ट fire test, अग्निपरीक्षेची वेळ आहे. हे दिवस पण निघून जाईल. जय महाराष्ट्र!’ असे ट्विट केले. उद्धव ठाकरे यांच्या राजीनाम्यानंतरही शिवसेना (Shiv sena) आशावादी असल्याचे संकेत यातून त्यांनी दिले.

सुखाचे दिवस जसे निघून जातात तसे दुखाचेही दिवस निघून जाईल. ही अग्निपरीक्षेची वेळ आहे. यातून सावरणे गरजेचे आहे. बहुमत चाचणी होणार आणि यातून आपण जिंकू शकतो, असा संजय राऊत यांना ‘फायर टेस्ट fire test’ यातून म्हणायचे होते.