Sharad Pawar: PM मोदींचे नाव न घेता शरद पवारांची टीका; म्हणाले मंदिर-मशिदींचे...

राष्ट्रवादी काँग्रेस पार्टीच्या विस्तारित राष्ट्रीय कार्यकारिणी समितीची बैठक पार पडली. नवी दिल्लीतील कॉन्स्टिट्यूशन क्लब येथे पक्षाचे राष्ट्रीय अध्यक्ष शरद पवार यांच्या अध्यक्षतेखाली हि बैठक पार पडली. शनिवारी पक्षाच्या बैठकीत शरद पवार यांची पुन्हा राष्ट्रवादीच्या अध्यक्षपदी वर्णी लागली. आज अधिवेशनाच्या दुसऱ्या दिवशी शरद पवारांनी अनेक मुद्द्यांवर भाष्य केलं. भाषणवेळी ते म्हणाले की, काही लोक शपथ घेतल्यानंतर मंदिर-मशिदींचे मुद्दे काढून देशाला धोक्यात टाकतात असं म्हणत पवारांनी पंतप्रधान नरेंद्र मोदी यांच नाव न घेता टीका केली आहे.

शरद पवारांनी आपल्या भाषणामधून पंतप्रधान नरेंद्र मोदी यांच्यावर नाव न घेता टीका केली. शरद पवार म्हणाले की, काही सांप्रदायिक तत्व समाजात तेढ निर्माण करत आहेत.त्याचप्रमाणे स्वतंत्रता बंधुत्व याचं रक्षण केलं पाहिजे असंही शरद पवार यावेळी म्हणाले आहेत.

देशातील महागाईबाबतही त्यांनी केंद्र सरकारवर निशाणा साधलाय. आपल्याकडे महागाई वाढली आहे. 410 रुपयांचा गॅस आज 1 हजार रुपयांच्या वर गेला आहे. पेट्रोल-डिझेलचे दर वाढले आहेत. रोजगाराच्या संधी निर्माण झाल्या नाही अशी टीका त्यांनी केंद्र सरकारवर टीका केली आहे.