निष्ठा असावी तर अशी! मुस्लीम मावळ्यानं उद्धव ठाकरेंसाठी चक्क रक्तानं लिहिलं पत्र

शिर्डी : एकनाथ शिंदे (Eknath Shinde) हे शिवसेनेसोबत (Shiv Sena) बंडखोरी करत बाहेर पडल्यानंतर त्यांना शिवसेनेतील एका मोठ्या आमदारांच्या गटानं पाठिंबा दिला. याच आमदारांच्या पाठिंब्यावर त्यांनी भाजपासोबत (BJP) मिळून सरकार देखील स्थापन केलं. एकनाथ शिंदेंनी मुख्यमंत्रीपदाची शपथ घेतल्यानंतर शिवसेनेतून शिंदे गटात दाखल होणाऱ्या पदाधिकाऱ्यांची संख्याही वाढताना दिसत आहे.

मात्र, राहिलेली शिवसेना वाचवण्यासाठी आदित्य ठाकरेंनी (Aditya Thackeray) महाराष्ट्रभरात संवाद यात्रा काढलीय. काल (शनिवार) संवाद यात्रेदरम्यान ते शिर्डीला होते. आदित्य ठाकरेंच्या शिर्डी (Shirdi) दौऱ्यात शिवसेनेच्या एका मुस्लीम मावळ्यानं (Muslim Mavala) स्वतःच्या रक्तानं आदित्य ठाकरेंना पत्र लिहिलं.

शेवटच्या श्वासापर्यंत उद्धव ठाकरेंसोबत राहणार असल्याचं त्यानं पत्रात म्हटलंय. हे पत्र त्यानं आदित्य ठाकरेंना दिलंय. त्यानं लिहिलेल्या या पत्राचा व्हिडिओ सध्या सोशल मीडियावर व्हायरल होत आहे. अहमदनगर जिल्ह्यात नेवासा आणि नंतर शिर्डीत कार्यकर्तांशी संवाद साधत या दौऱ्याची साईदर्शनानं सांगता झाली. मात्र, यादरम्यान मुस्लीम कार्यकर्त्यानं उचललेल्या या पावसामुळं लोक भावुक झालेत.

स्वत:च्या रक्तानं पत्र लिहून कोल्हापूरच्या शिवसैनिकाचा उद्धव ठाकरेंना पाठिंबा

उद्धव ठाकरे (Uddhav Thackeray) आणि शिवसेनेवरील प्रेम व्यक्त करण्यासाठी कोल्हापूर जिल्ह्यातील हातकणंगले तालुक्यातील टोप येथील सुरज विलास पाटील या शिवसैनिकानंही स्वत:च्या रक्तानं पत्र लिहून उद्धव ठाकरेंना पाठिंबा दिलाय. स्वत:च्या रक्तानं लिहिलेलं पत्र त्या शिवसैनिकानं जिल्हाप्रमुख मुरलीधर जाधव यांना दिलंय. त्यामुळं या शिवसैनिकाची चांगलीच चर्चा रंगलीय.