ठाकरेंना मोठा धक्का! अजय चौधरींची मान्यता रद्द; गटनेतेपदी एकनाथ शिंदेच | Sakal
sakal

बोलून बातमी शोधा

Uddhav Thackeray suspend eknath shinde from shiv sena Legal challenge to decision mumbai

ठाकरेंना मोठा धक्का! अजय चौधरींची मान्यता रद्द; गटनेतेपदी एकनाथ शिंदेच

मुंबई : उद्धव ठाकरे यांना आज दोन मोठे धक्के बसले आहेत. शिवसेनेचे गटनेते अजय चौधरी यांची मान्यता रद्द करण्यात आली असून गटनेतेपदी एकनाथ शिंदे हेच राहणार आहेत. यासंदर्भात विधीमंडळाने मुख्यमंत्र्यांना पत्र पाठवत माहिती दिली आहे. त्याचबरोबर शिवसेनेचे सुनील प्रभू यांचंही मुख्य प्रतोदपद रद्द करण्यात आलं असून शिंदे गटाकडून मुख्य प्रतोदपदी भरत गोगावले यांना मान्यता देण्यात आली आहे. विधिमंडळ सचिवालयाने ही मान्यता दिली असून या दोन्ही निर्णयामुळे शिवसनेच्या उद्धव ठाकरे यांना मोठा झटका बसला आहे.

(Eknath Shinde Vs Uddhav Thackeray)

हेही वाचा: "OBC आरक्षणासकट येणाऱ्या निवडणुका होणार"; हसन मुश्रीफ म्हणाले...

कायदेशीर तरतुदीनुसार आणि कायदेशीर बाबींचा विचार करूनच विधिमंडळाने हा निर्णय घेतला असल्याचं शिंदे गटाचे प्रवक्ते दीपक केसरकर म्हणाले आहेत. शिवसेनेसाठी आजचे हे दोन मोठे धक्के आहेत. याबरोबरच आज भाजपने विधानसभा अध्यक्षपदाची निवडणुकही जिंकली असून राहुल नार्वेकर हे विधानसभेचे अध्यक्ष म्हणून नियुक्त झाले आहेत. दरम्यान शिवसेनेचे राजन साळवी यांना १०७ मत पडले असून त्यांचा पराभव झाला.

हेही वाचा: नव्या सरकारची उद्या बहुमत चाचणी; काय असेल शिंदे सरकारचा प्लॅन?

विधानपरिषदेच्या निवडणुकीनंतर शिवसेनेच्या एकनाथ शिंदे यांनी बंड पुकारत सुरत गाठलं होतं. मंतर त्यांनी आपल्यासोबत काही आमदारांना घेऊन गुवाहटी गाठलं आणि त्यांच्या गटात सामील होणाऱ्या आमदारांची रीघ लागली. शिवसेनेतील तब्बल ३९ आमदार फोडल्यानंतर शिवसेनेकडून एकनाथ शिंदे यांची विधिमंडळ गटनेतेपदावरून हकालपट्टी करत अजय चौधरी यांना गटनेते करण्यात आलं होतं. तसेच विधिमंडळाच्या मुख्य प्रतोदपदी सुनील प्रभू यांची निवड करण्यात आली होती.

यानंतर शिंदे गटाने आपल्याकडे पक्षाचे दोन तृतियांश आमदार असल्याचं सांगण्यात आलं होतं. त्यावेळी शिंदे गटाने विधिमंडळ मुख्य प्रतोदपदी भरत गोगावले आणि गटनेते म्हणून एकनाथ शिंदे यांची निवड केली होती. शिंदे गटाने विधिमंडळ ही मान्यता विधिमंडळ सचिवालयाने मान्य केली आहे. त्याचबरोबर सुनील प्रभू यांचे गटनेतेपद रद्द करण्यात आलं आहे. त्यामुळे शिवसेनेचे विधिमंडळ गटेनेते हे मुख्यमंत्री एकनाथ शिंदे हेच राहणार आहेत. या निर्णयामुळे शिवसेनेला मोठा धक्का बसला आहे.

Web Title: Shivsena Uddhav Thackeray Eknath Shinde Ajay Chaudhari

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top