ST strike: शिष्टमंडळाची अनिल परबांशी चर्चा; सुटणार का तिढा? काय घडलं बैठकीत? | Sakal
sakal

बोलून बातमी शोधा

st strike

ST strike: शिष्टमंडळाची अनिल परबांशी चर्चा; काय घडलं बैठकीत?

sakal_logo
By
टीम ई सकाळ

मुंबई: एसटी संपाच्या शिष्टमंडळाने परिवहन मंत्री अनिल परब यांची भेट घेतली. एक महत्त्वाची बैठक आज पार पडली. या बैठकीनंतर बोलताना अनिल परब यांनी म्हटलंय की, एसटीच्या संपाची ज्या युनियने नोटीस दिली होती त्या संघटनेचे अध्यक्ष गुजर, वकील सदावर्ते आणि जयश्री पाटील यांच्यासोबत बैठक झाली. विलीनीकरणाचा मुद्दा त्यांनी उचलला. त्यांच्याशी चर्चा करताना मी त्यांना हायकोर्टाच्या त्रीसदस्यीय कमिटीची आठवून करुन दिली. हायकोर्टाचे निर्देश दिलेले असताना मला त्याच्यात फेरफार करता येणार नाही. कमिटीचा अहवाल आल्यावर सरकार त्यावर सकारात्मक विचार करेल. ऍडव्होकेट जनरलशी मी बोलेन, असंही म्हणालो. मात्र, संप मागे घ्या. विलीनीकरणाची प्रक्रिया एकदोन दिवसांत होत नाही. त्याव्यतिरिक्त मुद्यांवरही चर्चा करायला तयार आहे, मात्र संप मागे घ्या. चर्चा करुया, असं परब यांनी म्हटलंय.

हेही वाचा: 'इम्रान खान मोठ्या भावासारखेच!' सिद्धूंच्या वक्तव्याने नवा वाद

पुढे ते म्हणाले की, मी 72 हजार लोकांचं प्रतिनिधीत्व करतोय, असं मला ते म्हणाले, मी त्यांना म्हणालो की, सरकार कोणत्याही कर्मचाऱ्याचं नुकसान करु इच्छित नाही. लोकांना सेवा देण्यासाठी आम्ही बांधिल असल्याने पर्यायी व्यवस्था उभी करावी लागेल. पेक्षा हा संप ताणवू नका, असं मी सांगितंलय. सरकारने आडमुठेपणाची भूमिका घेतलेली नसून संवेदनशीलताच दाखवली आहे.

हेही वाचा: "कोरोनामुळं रद्द झालेल्या टूरची 75 टक्के रक्कम प्रवाशांना द्या"

परब म्हणाले की, आंदोलन करणं त्यांचा अधिकार आहे. परंतु कुणाच्या तरी सांगण्यावरुन त्यांनी कसलीही कृती करु नये. जे भडकवत आहेत, ते नुकसान झाल्यावर मदतीला येत नाहीत. राजकारण करण्यासाठी जे भडकवत आहेत, कामगारांनी त्यांच्यामुळे स्वताच नुकसान करुन घेऊ नये. मी कामगारांशी लढा देऊ इच्छित नाही, ते माझेच कामगार आहेत, एसटीचे कामगार आहेत. भावना भडकलेल्या असताना चुकीचं पाऊल उचलू नका.

loading image
go to top