Coronavirus : राज्यातील ३० टक्के कोरोनाचे सक्रिय रुग्ण पुणे जिल्ह्यात

पुणे - राज्यातील ३० टक्के कोरोनाचे सक्रिय रुग्ण पुणे जिल्ह्यात आहेत. त्या पाठोपाठ ठाणे (१७ टक्के) आणि मुंबईमध्ये (१३ टक्के) रुग्ण असल्याची माहिती राज्याच्या आरोग्य खात्यातर्फे देण्यात आली. राज्यात बुधवारपर्यंत ५८ हजार ३७६ कोरोनाच्या सक्रिय रुग्ण असल्याची माहिती राज्याच्या आरोग्य खात्यातर्फे देण्यात आली. त्यापैकी सर्वाधिक म्हणजे १७ हजार ४४६ रुग्ण पुणे जिल्ह्यात आहेत. 

पुण्यापाठोपाठ ठाणे जिल्ह्यात (९ हजार ८४२) आणि मुंबईमध्ये सात हजार ६५० आहेत. देशात सक्रिय रुग्णांचे प्रमाण २.९ टक्के असून, महाराष्ट्रात ते ३.०७ टक्के असल्याचेही खात्यातर्फे सांगण्यात आले. 

पुण्यात ८.३ अंश सेल्सिअसची नोंद;राज्यात हुडहुडी कायम

दरम्यान, सात हजार ६२० रुग्ण कोरोनामुक्‍त होऊन घरी गेले. राज्यात आजपर्यंत एकूण १८ लाख एक हजार ७०० कोरोनामुक्त होऊन होऊन घरी गेले आहेत. यामुळे राज्यातील रुग्ण बरे होण्याचे प्रमाण ९४.५१ टक्के एवढे झाले आहे.

नागरिकांनो! आजच करा बँकेचे व्यवहार, अन्यथा येईल पश्चातापाची वेळ

दृष्टिक्षेपात राज्यातील स्थिती
आज राज्यात तीन हजार ९१३ नवीन रुग्णांचे निदान झाले. 
राज्यात आज ९३ कोरोनाबाधित रुग्णांच्या मृत्यूची नोंद झाली. सध्या राज्यातील मृत्यूदर २. ५७ टक्के एवढा आहे. 
आतापर्यंत तपासलेल्या एक कोटी २२ लाख ७८ हजार ४७६ प्रयोगशाळा नमुन्यांपैकी १९ लाख सहा हजार ३७१ (१५.५३ टक्के) नमुने पॉझिटिव्ह आले आहेत.

Maratha Reservation: राज्य सरकारने घेतलेला निर्णय हा मराठा आरक्षणाचा खूनच!

दिवसभरात एका मृत्यूची नोंद 
शहरात कोरोनामुळे मृत्युमुखी पडणाऱ्या रुग्णांचे प्रमाण सातत्याने कमी होत आहे. पुण्यात एप्रिलमध्ये मृत्यूदर ११.४ टक्‍क्‍यांपर्यंत वाढला होता. तो आता २.१ टक्‍क्‍यांपर्यंत कमी झाला आहे. शहरात बुधवारी एका कोरोनाबाधित रुग्णाच्या मृत्यूची नोंद महापालिकेत झाली.

दृष्टिक्षेपात कोरोना रुग्ण
अत्यवस्थ -    ३८५
व्हेंटीलेटवरील - २२५
अतिदक्षता विभागातील - १६०