डॉ. नानासाहेब धर्माधिकारी प्रतिष्ठानच्या वतीने देशभरात स्वच्छता अभियान

घाटकोपर : डॉ. नानासाहेब धर्माधिकारी प्रतिष्ठान (Dr. Shri Nanasaheb Dharmadhikari Pratishthan) (रेवदंडा, अलिबाग) यांच्या वतीने भारताचे स्वच्छतादूत पद्मश्री डॉ. आप्पासाहेब धर्माधिकारी (Dr. shri Appasaheb Dharmadhikari) आणि रायगड भूषण डॉ. सचिनदादा धर्माधिकारी (Dr. shri sachindada Dharmadhikari) यांच्या मार्गदर्शनाखाली महाराष्ट्र भूषण डॉ. नानासाहेब धर्माधिकारी यांच्या जन्मशताब्दी वर्षानिमित्त संपूर्ण मुंबई आणि महाराष्ट्रासह देशभरात स्वच्छता अभियान (Cleaning campaign) राबविण्यात आले.

मुंबई उपनगरात रविवारी (ता.२७) घेण्यात आलेल्या स्वच्छता अभियानात शासकीय कार्यालये, रुग्णालये, स्मशानभूमी आणि रुग्णालयांचा समावेश होता. सकाळी ७ ते १० वाजेपर्यंत अभियान पार पडले. या अभियानात हजारो श्रीसदस्यांनी कोरोना नियमांचे पालन करत हातात ग्लोज, मास्कचा वापर करत अभियान यशस्वी केले. या वेळी मुंबईतून १५.६४० टन सुका कचरा आणि ५.४३१ टन ओला कचरा जमा करत श्रीसदस्यांनी पालिकेच्या ताब्यात दिला.

मुंबई व उपनगरातील ११ रुग्णालये आणि १३ स्मशानभूमी, तसेच तीन शासकीय कार्यालयाची स्वच्छता केली. १ मार्च रोजी वडाळा पाच गार्डन, टाटा मेमोरियल हॉस्पिटल, परळ तसेच वरळी, बोरिवली अशा ठिकाणी रक्तदान शिबिर होणार असल्याचे श्रीसदस्यांनी सांगितले.