Uddhav Thackeray l उध्दव ठाकरे म्हणाले, नारायण राणे तुम्ही कधीही काॅल करा पण... | Sakal
sakal

बोलून बातमी शोधा

 Uddhav Thackeray

उध्दव ठाकरे म्हणाले, नारायण राणे तुम्ही कधीही काॅल करा पण...

नारायण राणे (Narayan Rane) यांनी निधीसाठी उच्च आणि तंत्रशिक्षण मंत्री उदय सामंत (Uday Samant) यांची रत्नागिरी (Ratnagiri) येथे आज भेट घेतली. या भेटीनंतर त्यांनी मुख्यमंत्र्यांशी फोनवर संपर्क झाल्याची माहिती दिली. ते म्हणाले, मुख्यमंत्री उध्दव ठाकरे (Uddhav Thackeray) यांच्याशी फोनवर संपर्क केला. यावेळी ते म्हणाले, तुम्ही कधीही फोन करा, मी तुमचा फोन घेईन. पण, फक्त सावंतवाडीतून (Sawantwadi) बोलतोय असे सांगा अशी प्रतिक्रिया मुख्यमंत्र्यांनी दिल्याचे राणे यांनी सांगितले.

हेही वाचा: शरद पवारांनी शेतकऱ्यांचे हक्क हिरावणारा कायदा आणला-रघुनाथदादा पाटील

गेल्या काही दिवसापासून केंद्रिय मंत्री नारायण राणे आणि शिवसेना यांच्यात आरोप-प्रत्यारोपाच्या फैरी झाडण्यास सुरु आहेत. परंतु आज खुद्द नारायण राणे यांनी उदय सामंत यांची भेट घेतली. नारायण राणे हे सिंधुदुर्ग जिल्ह्यातील सावंतवाडी तालुक्यातील इन्सुली गावचे नागरिक आणि माजी पंचायत समिती सदस्य आहेत. त्यांनी पालकमंत्री सामंत यांची आज भागातील विकासकामाच्या निधीसाठी भेट घेतली.

हेही वाचा: विजयी झाल्यास कोणतीही मालमत्ता खरेदी करणार नाही- करुणा शर्मा

काय म्हणाले मुख्यमंत्री

माजी पंचायत समिती सदस्य नारायण राणे यांनी जेव्हा मुख्यमंत्र्यांना काॅल केला तेव्हा मुख्यमंत्री म्हणाले, त्या नारायण राणे यांचा मी काॅल घेत नाही. तुम्ही काॅल केल्यावर सावंतवाडीहून नारायण राणे बोलतोय असं सांगा मी फोन घेईन असेही ते म्हणाल्याचे राणे यांनी सांगितले. पुढे ते म्हणाले, मला उद्धव ठाकरे यांची भेट घेण्यासाठी कुणाचीही गरज पडत नाही. मी त्यांना थेट भेटतो. यावेळी त्यांनी ठाकरे यांनी बांधलेले शिवबंधन देखील अभिमानाने दाखवलं. उदय सामंत यांची भेट घेतल्यानंतर नारायण राणे यांनी प्रसारमाध्यमांशी बोलताना हि माहिती दिली.

Web Title: Uddhav Thackeray Says Narayan Rane Call Anytime Sawantwadi Uday Samant Konkan

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..