Uddhav Thackeray : 'हिंदूत्व हे थोतांड आहे'; उद्धव ठाकरेंचा PM मोदींवर निशाणा

मुंबई : शिवसेनेचे नेते बाळासाहेब ठाकरे यांच्या जन्मदिनानिमीत्त कार्यक्रमाचे आयोजन करण्यात आले होते यावेळी उद्धव ठाकरे यांनी भाजप आणि पंतप्रधान नरेंद्र मोदी यांच्यावर जोरदार टीका केली. तसेच त्यांचं हिंदूत्व म्हणजे थोतांड असल्याचेही उद्धव ठाकरे म्हणाले.

मुंबईतील षन्मुखानंद सभागृहात आयोजित कार्यक्रमात बोलताना उद्धव ठाकरे यांनी देशातील राजकीय परिस्थितीवर भाष्य केलं. उद्धव ठाकरे म्हणाले की, देश हुकूमशाहीच्या दिशेने जात आहे. हे हिंदूत्व वगैरे सगळं थोतांड आहे. हिंदुत्वाच्या आधारावर धुक्याची एक भिंत उभी करायची आणि त्याच्या आडून देशावर पोलादी पकड घट्ट बसावायची. अशी बसवायची कि तुम्ही हूंकी चूं केलं तर याद राखा.

यावेळी उद्धव ठाकरे यांनी चीनचं उदाहरण देखील दिलं. ते म्हणाले की, काही वर्षापूर्वी मी चीनला गेलो होतो. तेथे तेव्हा अशी परिस्थिती होती की बीजिंगमध्ये जर अनावधानाने सुध्दा कोणी सरकारविरोधात बोललं तरी दोन दिवसात तो माणूस अदृश्य होतो. म्हणजे ती पोलादी पकड काय असेल? तशी घाणेरडी पोलादी पकड इकडे आणायला बघत आहेत. ते आपण उघड्या डोळ्याने बघत बसायचं असे उद्धव ठाकरे म्हणाले.