गेल्या काही दिवसांमध्ये राष्ट्रवादी काँग्रेसमध्ये मोठ्या घडामोडी घडल्या. पक्षात फूट पडली. त्यानंतर पक्ष चिन्ह आणि नाव कोणाचं यासंबधीचे प्रकरण निवडणूक आयोगासमोर गेले आहे. अशातच राष्ट्रवादी काँग्रेसचे अध्यक्ष शरद पवार आणि राज्याचे उपमुख्यमंत्री अजित पवार आज एकत्र येण्याची शक्यता वर्तवण्यात येत आहे. कारण आज शरद पवार यांच्या उपस्थितीत वसंतदादा शुगर इन्स्टिट्यूटच्या कार्यकारी मंडळाची बैठक आयोजित करण्यात आलेली आहे.
कार्यकारी मंडळाचे सदस्य असल्यामुळे उपमुख्यमंत्री अजित पवार या बैठकीसाठी उपस्थित राहण्याची शक्यता आहे. त्यामुळे आज होणाऱ्या या बैठकीकडे सामान्यांसह राजकीय वर्तुळाचं लक्ष लागलं आहे. तर या बैठकीला इतर नेतेही उपस्थित असणार आहेत.
वसंतदादा शुगर इन्स्टिट्यूटचे अध्यक्ष शरद पवार आहेत. दरवर्षी वसंतदादा शुगर इन्स्टिट्यूटच्या कार्यकारी मंडळाची बैठक शरद पवार यांच्या नेतृत्त्वाखाली होत असते. पुण्यातील मांजरी याठिकाणी ही बैठक पार पडणार आहे. अजित पवार या बैठकाला उपस्थित राहण्याची शक्यता आहे. त्याचबरोबर वसंतदादा शुगर इन्स्टिट्यूटच्या कार्यकारी मंडळाचे सदस्य जयंत पाटील आणि सहकार मंत्री दिलीप वळसे पाटील हे देखील उपस्थित राहण्याची शक्यता आहे. त्यामुळे या बैठकीकडे राजकीय वर्तुळाची चर्चा आहे.
शरद पवार की अजित पवार, खरी राष्ट्रवादी कोणाची? ६ ऑक्टोबरला होणार सुनावणी
उपमुख्यमंत्री अजित पवार यांच्यासह काही आमदारांनी बंड केल्यानंतर राष्ट्रवादी काँग्रेसमध्ये फूट पडली. फुटीचे हे प्रकरण निवडणूक आयोगाकडे गेले आहे. आम्ही खरी राष्ट्रवादी असा दावा अजित पवार गटाने निवडणूक आयोगासमोर केली. निवडणूक आयोगाने राष्ट्रवादीत फूट पडल्याचं मान्य केलं असून दोन्ही गटांना ६ ऑक्टोबर रोजी सुनावणीसाठी बोलावलं आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
