नारायण राणे वीजमंडळाचे देशातील पहिले लाभार्थी ; राऊतांचा हल्लाबोल

राज्यभर होळीचा सण साजरा होत आहे. रंगांची मुक्त उधळण करून एकमेकांना आनंद देण्याचा प्रयत्न होत आहे. याउलट या होळीत राजकीय रंग मात्र वेगळाच चढला आहे. एकमेकांवर आरोप करत ही होळी साजरी केली जात आहे. दरम्यान शिवसेना नेते विनायक राऊत (Vinayak Raut) यांनी नारायण राणे (Narayan Rane) यांच्यावर बोचरी टिका केली आहे. राणेंचा राजकीय विमा संपला आहे. मात्र, पंतप्रधान नरेंद्र मोदींनी (Narendra Modi) तो काही दिवसांसाठी सुरु केला आहे. असा हल्लाबोल विनायक राऊतांनी केला आहे. माध्यमांशी बोलताना त्यांनी निशाणा साधला आहे.

यावेळी राऊतांनी राणेंना धुलीवंदनाच्या शुभेच्छा दिल्या. ते म्हणाले, राणेंना मिळालेले केंद्रातील मंत्रिपद सुखाने अनुभवावे त्याचा लाभ घ्यावा. अर्थात त्यांनी लाभ घेण्यास आधीच सुरुवात केली आहे. विजमंडळाचे देशातील पहिले लाभार्थी हे राणे आहेत. काथ्याचा उपक्रम हा त्यांनी स्वत:च्या इमारतीत सुरु केला आहे. त्याचे जवळपास २ लाख भाडे घेण्यास सुरुवात केली आहे. लाभार्थ्यांची जी काही परंपरा तुम्ही चालू केली आहे. ती तुमच्या कुटुंबाला सुखदाई होऊ अशा शुभेच्छा त्यांनी दिल्या आहेत.

दिशा सालियान प्रकरणावर ते म्हणाले, एखाद्या पिडीतेचे नाव घ्यायच नाही हे सर्वोच्च न्यायालयाने याधीच सांगितले आहे. तरीसुध्दा बलत्कार झालेल्या तरूणीचे सतत नाव घेऊन तिला बदनाम केले जात आहे. तिच्या कुटुंबाचे नाव बदनाम केले जात आहे. त्यांच्यावर कठोर कारवाई करण्याची मागणी राऊत यांनी केली आहे.