'आई कुठे काय करते'मधील अभिनेत्री साऊथ सुपरस्टारसोबत करणार काम | Aai Kuthe Kay Karte | Sakal
sakal

बोलून बातमी शोधा

Aai Kuthe Kay Karte

'आई कुठे काय करते'मधील अभिनेत्री साऊथ सुपरस्टारसोबत करणार काम

स्टार प्रवाह वाहिनीवरील 'आई कुठे काय करते' (Aai Kuthe Kay Karte) या मालिकेनं अल्पावधीतच प्रेक्षकांची मनं जिंकली. या मालिकेतील प्रत्येक कलाकाराने आपल्या दमदार अभिनयाने विशेष छाप सोडली. म्हणूनच सोशल मीडियावरही या कलाकारांचा चाहतावर्ग दिवसेंदिवस वाढतोय. या मालिकेतील एका अभिनेत्रीला मोठी संधी मिळाली आहे. दाक्षिणात्य सुपरस्टार विजय सेतुपतीसोबत (Vijay Sethupathi) काम करण्याची संधी या अभिनेत्रीला आहे. ही अभिनेत्री आहे मालिकेत विशाखाची भूमिका साकारणारी पूनम चांदोरकर (Poonam Chandorkar). पूनमने सोशल मीडियावर फोटो पोस्ट करत चाहत्यांना ही आनंदाची बातमी सांगितली.

पूनमने तमिळ स्टार विजय सेतुपतीसोबतचा फोटो इन्स्टाग्राम अकाऊंटवर पोस्ट केला आहे. 'तुमची सद्सद्विवेक बुद्धी तुम्हाला सांगत असेल की ते शक्य नाही, पण असं घडलंय! तमिळ स्टार विजय सेतुपतीसोबत काम करणं हा एक सुखद धक्का आहे. हे सर्व तुमचं प्रेम आणि आशीर्वाद यांमुळे शक्य झालं,' असं तिने या फोटोसोबत लिहिलं आहे.

हेही वाचा: 'अबोली'मध्ये होणार 'बिग बॉस मराठी' फेम अभिनेत्रीची एण्ट्री

पूनम नक्की कोणत्या चित्रपटात काम करणार आहे आणि त्यात तिची काय भूमिका असेल याबद्दलची सविस्तर माहिती अद्याप समोर आली नाही. मात्र चाहत्यांनी तिच्यावर शुभेच्छांचा वर्षाव करण्यास सुरुवात केली आहे.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top