'आमिरनं दोन्ही घटस्फोटांसाठी जबाबदार ठरवलय ...'; वाढदिवशीच केला खुलासा

आमिर खानने ५७ वा वाढदिवस साजरा करताना आयुष्यातील अनेक कडू-गोड आठवणींना उजाळा दिला आहे.
Reena Dutta(1st wife of aamir),Aamir Khan, Kiran Rao(2nd wife of aamir Khan)
Reena Dutta(1st wife of aamir),Aamir Khan, Kiran Rao(2nd wife of aamir Khan)Google

आमिर खान(Aamir Khan) त्याचा ५७ वा वाढदिवस साजरा करीत आहे. त्यानं त्याच्या मुलाखतीत पहिल्यांदाच त्याच्या दोन घटस्फोटांविषयी मोठा खुलासा केला आहे. तो म्हणाला,''मी माझ्या जबाबदाऱ्या नीट पार पाडल्या नाहीत. मी माझ्या कामात इतका व्यग्र होतो की माझं एक कुटुंब आहे हेच मी विसरलो होतो''.. २०१८ मध्ये आमिर खान 'ठग्ज ऑफ हिंदुस्थान' या सिनेमात दिसला होता. आमिरच्या फ्लॉप सिनेमांपैकी एक हा सिनेमा आहे. आता लवकरच आमिरचा 'लाल सिंग चड्ढा' हा सिनेमा आपल्या भेटीस येत आहे. या सिनेमात त्याच्यासोबत करिना कपूर महत्त्वाची व्यक्तिरेखा साकारताना दिसणार आहे.

Reena Dutta(1st wife of aamir),Aamir Khan, Kiran Rao(2nd wife of aamir Khan)
'वो स्त्री है! कुछ भी कर सकती है!!' अभिनेत्री जुई गडकरीची पोस्ट चर्चेत

आमिर खाननं त्याचं पहिलं लग्न रीना दत्तासोबत केलं होतं. रीना दत्ता आणि आमिरला दोन मुलं आहेत. ज्यांची नावं आयरा खान आणि जुनैद खान अशी आहेत. आमिरशी विभक्त झाल्यानंतर रीना आणि ही दोन मुलं एकत्र राहत आहेत. आमिर आणि रीनानं तब्बल १६ वर्षांच्या संसारानंतर एकमेकांपासून विभक्त होण्याचं ठरवलं. त्यानंतर काही वर्षांनी आमिरनं दिग्दर्शिका किरण रावशी दुसरं लग्न केलं. आमिर आणि किरणला एक मुलगा आहे,ज्याचं नाव आझाद राव खान आहे. गेल्याच वर्षी २०२१ मध्ये आमिर आणि किरणने देखील तब्बल १५ वर्षांनंतर आपल्या घटस्फोटाचा निर्णय सोशल मीडियाच्या माध्यमातून जाहिर केला होता.

Reena Dutta(1st wife of aamir),Aamir Khan, Kiran Rao(2nd wife of aamir Khan)
छोट्या पडद्यावरची 'मॉं.वैष्णोदेवी' रुपा दत्ताला पाकिटचोरी प्रकरणात अटक

आपल्या दोन्ही घटस्फोटांविषयी स्पष्टिकरण देताना आमिर खान म्हणाला,''मी माझ्या जबाबदाऱ्या नीट पार पाडल्या नाहीत. माझे आईवडील,माझी भावंडे,माझी पहिली पत्नी रीना,दुसरी पत्नी किरण आणि त्या दोघींचे आईृवडील,माझी मुलं आणि यांच्यासोबतच माझी इतर जवळची माणसं सगळ्यांच्याच बाबतीत मी चुकलोय हे मला माहित आहे. मी अठरा वर्षांचा असतान फिल्म इंडस्ट्रीत आलो. मला खूप शिकायचं होतं,मला खूप गोष्टी करायच्या होत्या. मला आज याची जाणीव होतेय,माझ्या कुटुंबाला माझा वेळ हवा असताना मी तो दिला नाही. मी माझ्या प्रेक्षकांसोबत अधिक वेळ घालवला सिनेमांच्या माध्यमातून. त्यांना मी अधिक वेळ दिला. मी माझ्या कामाला वेळ दिला. कामाशी माझं नातं मजबूत केलं. मी समजत होतो,माझं कुटुंब माझ्या या निर्णयात सोबत आहे. मला माझ्या प्रेक्षकांचं मन जिंकायचं होतं. आणि मी त्या जगात हरवून गेलो. आणि मला माझ्या कुटुंबाचा विसर पडला''.

आमिर पुढे म्हणाला,''मी माझी मुलगी आयराला वेळच दिला नाही. आज ती २३ वर्षांची आहे. पण जेव्हा ती ४-५ वर्षांची होती मी तिच्यासोबत नव्हतो. मी माझ्या सिनेमाच्या शूटमध्ये बिझी असायचो. प्रत्येक मुलाला ज्या वयात पालक हवे असतात तेव्हाच मी माझ्या मुलांसोबत नव्हतो. मी त्यांच्यासोबतचे अनेक क्षण मिस केलेयत. जे आता परत येणं शक्य नाही''. आपल्या घटस्फोटांसंदर्भात आणि कुटुंबाविषयी आमिर खान पहिल्यांदाच अशाप्रकारे व्यक्त झाला आहे. आयरा खान सध्या तिच्या बॉयफ्रेंडसोबतच्या पोस्टमुळे अनेकदा चर्चेत असते. तिनं डिप्रेशनसंदर्भात नुकतंच आपलं मत मांडलं होतं. २०१९ मध्ये तिनं एक ड्रामा दिग्दर्शित करुन दिग्दर्शन क्षेत्रात पदार्पण केलं होतं.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com